Ku nshuro ya karindwi, hagiye gukinwa imikino ihuza ibihugu bivuga Igifaransa aho izabera i Nice mu u Bufaransa guhera ku wa 7 kugera ku wa 15 Nzeri 2013. Mu mupira w’amaguru, u Rwanda ruri mu itsinda rimwe n’u Bufaransa, Canada na Congo Brazzaville.

Komite Mpuzamahanga y’Imikino y’ibihugu bikoresha ururimi rw’igifaransa (CIJF: Comite International des jeux de la Francophonie), yongeye gutegura imikino ihuza ibihugu bivuga urwo rurimi iba buri nyuma y’imyaka ine.

Mu mikino izakinirwa i Nice, irimo umupira w’amaguru, Basketball, Tennis yo ku meza, Jido, gusiganwa ku magare, gusiganwa ku maguru, Kuririmba, Imbyino zitandukanye, Ubugeni, Inyandiko, Gufotora n’ibindi.

CIJF ku bufatanye n’Ishyirahamwe mpuzamahanga ry’umupira w’amaguru (FIFA) n’Ishyirahamwe mpuzamahanga ry’umukino wa Basketball (FIBA), hatangajwe uko ibihugu 16 bizitabira imikino y’umupira w’amaguru w’abatarengeje imyaka 20 biri mu matsinda, n’ibizitabira imikino ya Basketball.

Mu nshuro eshanu zitandukanye u Rwanda rwitabiriye iyi mikino, rwegukanyemo imidari icumi aho mu 1989 rwegukanye ibiri, mu 2005 rwegukana ibiri, mu 2009 rwegukana itanu.

Uko amatsinda ya Football na Basketball