Mu mikino ya Olempike ya 2012 iherutse kubera i Londre mu Bwongereza yitabiriwe n’imbaga y’abantu bari baturutse mu bihugu 204 bitandukanye barimo Abayobozi b’Ibihugu bitandukanye, ibyamamare ku Isi, Abakinnyi n’abandi, yaranzwe n’imikino myinshi itandukanye.

Muri iyi mikino yasojwe ku Cyumweru tariki 12 Kanama 2012, Leta zunze Ubumwe za Amerika nizo zegukanye imidari myinshi aho yegukanye imidari 104 (imidari yose hamwe), ikurikirwa n’Ubushinwa bwegukanye 88, Ubwongereza bwayakiriye bwegukana 65 naho u Rwanda rwari rwaserukiwe mu mukino wo koga n’uwo Kwiruka ntirwagira amahirwe yo kwegukana umudari n’umwe.

Muri aka karere, Ubugande bwegukanye umudari wa zahabu, Kenya yegukana imidari ibiri mu gusiganwa ku maguru.

Photos: london2012.com