00:00:00 IGIHE NETWORK KN KINYARWANDA EN ENGLISH FR FRANCAIS

Lill Daren wo muri Afurika y’Epfo ayoboye abandi muri Tour of Rwanda 2012

Yanditswe na

Elisée Mpirwa

Kuya 21 November 2012 saa 12:11
Yasuwe :

Ku munsi waryo wa gatatu isiganwa ku magare ryiswe Tour of Rwanda 2012, Cogebank itera inkunga, Lill Daren uturuka muri Afurika y’Epfo, ni we uyoboye urutonde kugeza ubu nyuma yo kuba uwa mbere mu cyiciro cya gatatu (Muhanga – Huye).
Mu makipe muri rusange, ikipe ya Afurika y’Epfo ni yo iri ku mwanya wa mbere.
Ku munsi wa gatatu, abasiganwa basiganywe mu byiciro bibiri, Kigali – Muhanga na Muhanga - Huye
Icyiciro cya Kigali - Muhanga (44, 1 Km) cyegukanwe n’Umunya-Eritrea Meron Amanuel. (...)

Ku munsi waryo wa gatatu isiganwa ku magare ryiswe Tour of Rwanda 2012, Cogebank itera inkunga, Lill Daren uturuka muri Afurika y’Epfo, ni we uyoboye urutonde kugeza ubu nyuma yo kuba uwa mbere mu cyiciro cya gatatu (Muhanga – Huye).

Mu makipe muri rusange, ikipe ya Afurika y’Epfo ni yo iri ku mwanya wa mbere.

Ku munsi wa gatatu, abasiganwa basiganywe mu byiciro bibiri, Kigali – Muhanga na Muhanga - Huye

Icyiciro cya Kigali - Muhanga (44, 1 Km) cyegukanwe n’Umunya-Eritrea Meron Amanuel.

Kugera i Muhanga ku munsi wa gatatu w’irushanwa, urutonde rusange rwari ruyobowe n’Umunya-Canada, Pelletier Roy Remi wo mu ikipe ya Canada Team Quebecor Garneau.

Nk’umwe mu baterankunga bakuru b’iri rushanwa, Cogebanque ikomeje guhemba urusha abandi ahazamuka, ku cyiciro cya Kigali – Muhanga no mu cya Muhanga – Huye, Lill Daren ni we witwaye neza.

Umunyarwanda Nicodem Habiyambere ni we waje hafi ku mwanya wa 15, naho Kapiteni w’ikipe y’igihugu y’u Rwanda, Niyonshuti Adrien aza ku mwanya wa 31.

Amasiganwa COGEBANK itera inkunga imvura ntiyayahagaritse

Muhanga – Huye (72,4 Km)Umunya-Afurika y’Epfo, Lill Daren ni we wegukanye umwanya wa mbere, ahembwa na Ecobank kuba ari we warushije abandi ahazamuka hamwe no kugeza ubu ku cyiciro cya gatatu ni we ufite umwanya wa mbere.

Umunyarwanda Niyonshuti Adrien ni we waje ku mwanya wa mbere mu Banyarwanda akaba avuga ko afitiye icyizere bagenzi be ko mu byiciro bisigaye bazitwara neza n’ubwo bari bari kumwe n’amakipe atoroshye.

Aganira n’abanyamakuru nyuma y’icyiciro cya Muhanga – Huye, Niyonshuti yagize ati “Turacyafite amahirwe mu byiciro bikurikiraho kuko bagenzi banjye nibakomeza kwitwara nk’uko bitwaye kuva I Muhanga ugana i Huye, birashoboka ko twatsinda amakipe nka UCI yo muri Eritrea ifite abakinnyi bose bakomeye, ndetse n’iyo muri Afurika y’Epfo ifite abakinnyi bane b’abahanga cyane.”

Kugeza ubu abakinnyi babiri bo muri Gabon nibo bamaze kuva muri iri rushanwa kuko umwe yaguye ava i Muhanga akomereka ku kubuko ndetse na mugenzi yegeze hagati yumva biranze aparika igare rye.

Kuri uyu wa Gatatu irushanwa rirakomeza abasiganwa bahagurukira i Huye berekeza i Karongi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .