Iri siganwa riba rigamije gusoza umwaka abantu bavuye hirya no hino ku Isi bishima binyuze mu mikino ngororamubiri, ryabaga ku nshuro ya 27 rikaba ryaritabiriwe n’abasaga 2000, barimo n’Abanyarwanda babiri bari baritumiwemo ku nshuro ya mbere.

Nyirarukundo Salome w’imyaka 18 wari waserutse mu bari n’abategarugori yakoze amateka asoza ibirometero bitanu ari ku mwanya wa gatatu akoresheje iminota 16 n’amasegonda 14 asizwe n’Umudage Constance Klosterhalfen wa mbere amasegonda icyenda na Nina Savina wo muri Belarus wa kabiri wamusize amasegonda abiri.

Myasiro w’imyaka 19 wari wagiye guhatana mu bagabo yasoje ari ku mwanya wa gatandatu mu kwiruka ibirometero umunani asizwe umunota n’amasegonda 26 na Getaneh Tamire wo muri Ethiopia wegukanye umudari wa zahabu muri iki cyiciro.

Batandatu ba mbere mu bagabo n’ibihe bakoresheje:

1. Getaneh Tamire (Ethiopia) 22:50
2. Mahjoub Dazza (Morocco) 22:53
3. Philipp Pflieger (Regensburg) 23:11
4. Leonard Komon (Kenya) 23:17
5. Florian Orth (Regensburg) 23:22
6. Jean Marie Myasiro (Rwanda) 23:24

Batandatu ba mbere mu bagore n’ibihe bakoresheje:

1. Constance Klosterhalfen (Leverkusen) 16:05
2. Nina Savina (Belarus) 16:12
3. Salome Nyirarukundo (Rwanda) 16:14
4. Sylvia Mmboga Medugu (Kenya) 16:32
5. Ferahiwat Gamachu-king (Belgium) 16:34
6. Sofie van Accom (Belgium) 16:38