Ishyirahamwe ry’umupira w’amaguru ku Isi (FIFA) rifatanyije n’Ishyirahamwe ry’umupira w’amaguru mu Rwanda (FERWAFA) yateguye amahugurwa y’ibyumweru bibiri agenewe abatoza b’abasifuzi bo mu bihugu 22 by’Afurika bivuga ururimi rw’Igifaransa guhera tariki ya 30 Ukwakira 2012 kugeza ku ya 15 Ugushyingo i Kigaki.

Ayo mahugurwa azaba ayobowe n’itsinda ry’inzobere mu busifuzi baturutse muri FIFA no n’Ishyirahamwe ry’umupira w’amaguru muri Afurika (CAF), abatoza b’abasifuzi bazaba bari mu matsinda atatu. Harimo itsinda ry’abatoza b’abasifusi bo mu rwego rwa CAF na FIFA, itsinda ry’abatoza ngororamubiri b’abasifuzi bo mu rwego rw’ibihugu bakomokamo n’itsinda ry’abatoza tekinike b’abasifuzi bo mu rwego rw’ibihugu bakomokamo

Nk’uko tubikesha urubuga rwa internet rwa FERWAFA, ibihugu bizitabira aya mahugurwa ni u Rwanda, u Burundi, Benin, Burkina Faso, Cameroun, Ibirwa bya Comores, Congo Brazaville, Cote d’Ivoire, Djibouti, Gabon, Guinée Konakiri, Guinée Equatorial, Guinée Bissau, Madagascar, Mali, Mauritaniya, Niger, Repubulika Iharanira Demokarasi ya Congo, Repubulika ya Centre Afurika, Senegal, Tchad na Togo.

Ayo mahugurwa azafungurwa ku mugaragaro kuwa 2 Ukwakira, asozwe tariki yac 15 Ugushyingo 2012.