Iyi shampiyona ngarukamwaka iba igizwe n’uduce dutatu, ariko uyu mwaka uzagirwa n’uduce tubiri aho agace gakurikira kazaba muri Kanama 2026.

Amakipe yitabiriye agizwe n’abakinnyi bavuye mu makipe atandukanye asanzwe muri Shampiyona y’u Rwanda.

Kapiteni w’Ikipe y’Igihugu y’Abagore, Munezero Valentine, yavuze ko kuva u Rwanda rwakwemererwa gutegura amarushanwa ya Beach Volleyball abazamurira amanota byabafashije cyane.

Ati “Mbere na mbere ndashimira Federasiyo ya Volleyball kuba barakoze ibishoboka byose bakadushyiriraho amarushanwa nk’aya atanga amanota kuko biradufasha cyane nk’iyo tugiye gukina imikino mpuzamahanga usanga amanota yacu ari hejuru mu gihe mbere twabanzaga kujya kuyashaka mu bindi bihugu”

Yakomeje avuga ko kuba amarushanwa ya Beach Volleyball yariyongereye, ubu na bo byabafashije gukomeza kuzamura urwego nubwo hakiri imbogamizi z’uko bakivanga Volleyball yo ku mucanga ndetse na Volleyball isanzwe ikinirwa mu nzu.

Kuri uyu munsi wa mbere w’irushanwa, hakinwe imikino ibanza yo mu matsinda, aho izakomeza ku wa Gatandatu no ku Cyumweru.

Shampiyona y'Igihugu ya Beach Volleyball iri kubera mu Karere ka Rwamagana

Amakipe 24 arimo 13 y'abagabo ni yo yitabiriye iri rushanwa

Amakipe ya Police muri Volleyball ari mu yitabiriye iri rushanwa

Abakinnyi ba Police VC bambaye imyambaro igaragaza ubukangurambaga bwa Polisi y’Igihugu bwa “Turindane, Tugereyo Amahoro”

Imikino yatangiye hakinwa iy'amatsinda

Uyu mwaka Shampiyona ya Beach Volleyball izaba igizwe n'uduce tubiri