Mu ijoro ryo ku wa Gatanu, tariki 9 Mutarama 2026, ni bwo kuri Petit Stade Amahoro i Remera, habareye imikino ibimburira indi yo kwishyura muri Shampiyona ya Volleyball mu bagore no mu bagabo.

APR WVC yakinnye na Kepler WVC, ni umukino wahuzaga umutoza w’agateganyo w’Ikipe y’Ingabo Cyuzuzo Yvette wabaye umugore wa mbere utoje mu Cyiciro cya Mbere mu Rwanda na Siborurema Florien wigeze kumubera umutoza.

Siborurema yamuhaye ikaze muri aka kazi katoroshye, amutsinda amaseti 3-0, ari na wo mukino wa mbere APR FWV itsinzwe kuva uyu mwaka watangira.

Umukino wakurikiyeho ni uwa APR VC na Kepler VC, watangiye iyi kipe y’ikigo cy’amashuri itsinda amaseti abiri yikurikiranya, ariko Ikipe y’Ingabo z’Igihugu yavuye inyuma yegukana umukino itsinze amaseti 3-2.

Ni intsinzi yari ikomeye cyane kuri iyi kipe yari ishyigikiwe n’abarimo Umuvugizi w’Ingabo z’u Rwanda, Brig Gen Ronald Rwivanga, washimiye abakinnyi bikomeye nyuma yo kubona intsinzi.

Gisagara VC iri mu bihe byayo byiza yakomeje gushimangira kuba ku mwanya wa mbere muri Shampiyona y’u Rwanda, nyuma yo kunyagira Police VC amaseti 3-0.

Cyuzuzo Yvette yabaye umugore wa mbere utoje mu Cyiciro cya Mbere mu Rwanda

Kepler WVC yatsinze APR WVC amaseti 3-0

APR WVC yatsinzwe umukino wa mbere muri uyu mwaka w'imikino

Kepler VC yatangiye neza ariko inanirwa kurangiza neza umukino

Abafana bagerageje kwitabira iyi mikino ari benshi

Umugaba Mukuru w'Ingabo zirwanira ku butaka, Gen Maj Vincent Nyakarundi asuhuzanya n'Umuvugizi w'Ingabo z'u Rwanda, Brig Gen Ronald Rwivanga

Abakinnyi ba APR VC bishimiye gutsinda Kepler VC yari yatangiye ibotsaho umuriro

Gisagara VC yatsinze Police VC amaseti 3-0

Umuvugizi w'Ingabo z'u Rwanda, Brig Gen Ronald Rwivanga, yashimiye abakinnyi ba APR VC bahatanye kugeza ku munota wa nyuma

Umuvugizi w'Ingabo z'u Rwanda, Brig Gen Ronald Rwivanga, yashimishijwe bikomeye n'intsinzi ya APR VC

Mukunzi Yannick yakurikiye umukino wa APR VC na Kepler VC

APR VC yavuye inyuma itsinda Kepler VC

Abakinnyi ba APR WVC ku mukino yahuriyemo na Kepler WVC

Abakinnyi Kepler WVC yifashishije ikina na APR WVC

Gisagara yatsinze Police VC ikomeza kuyobora Shampiyona y'u Rwanda