Nyuma y’uko Mutabazi yirukanywe ku nshingano zo gutoza APR VC, ubuyobozi bwayo buri gushaka uzamusimbura, agakomezanya n’ikipe mu mikino ikurikira ya Shampiyona muri Volleyball.

Uyu mugabo yageze muri APR VC mu 2019, ayifasha kwitwara neza mu mwaka w’imikino wa 2020, ndetse anegukana igikombe. Iki cyari amateka yiyongera ku yandi yanditse akiri no mu kibuga.

Mutabazi wabaye umukinnyi wa Volleyball ku rwego mpuzamahanga. Mu 2013 nibwo yahagaritse gukina ajya mu mirimo yo gutoza, haba ku rwego rw’amakipe asanzwe ndetse n’ikipe y’igihugu.

Urugendo rwe mu gutoza rwahereye muri St Joseph Kabgayi mu 2006 ndetse akiri n’umukinnyi, akomereza akazi mu Bufaransa muri Sporting club de l’Ouest (Sco d’Angers), ayivamo yerekeza muri REC (Rennes-France) ari naho yahise ahagarika gukina burundu, yiyegurira ubutoza mu 2013.

Kuva mu 2016 yabaye umutoza muri APR VC yabanje kubamo umwungiriza w’Umunya-Kenya Sammy Mulinge, aza kumusimbura afata inshingano mu ikipe ari we mukuru ndetse akabikomatanya n’inshingano za tekiniki mu Ikipe y’Igihugu.

Elie Mutabazi yeretswe umuryango usohoka muri APR VC

Elie Mutabazi yatwaranye Igikombe na APR VC mu 2020

APR VC iri gushaka umutoza mushya uzasimbura Elie Mutabazi batandukanye