Ni imikino yakinwe mu ijoro ryo ku wa Gatanu, tariki ya 14 Ugushyingo 2025, ibera muri Petit Stade yari yuzuye abakunzi ba Volleyball barimo na Minisitiri wa Siporo, Nelly Mukazayire.

REG VC ni yo yabanje kubona intsinzi yo kuri uyu munsi, aho yatsinze RP Ngoma VC amaseti 3-0 (25-14, 25-12, 27-25), hakurikiraho uw’abagore wahuje Police WVC yabonye intsinzi igoranye kuri Kepler WVC itsinze amaseti 3-2 (30-32, 25-17, 19-25, 25-15, 15-12).

Umukino w’umunsi wahuje APR VC na Gisagara VC, dore ko ikipe yo mu Ntara y’Amajyepfo yari itaratsindwa umukino n’umwe, mu gihe Ikipe y’Ingabo z’Igihugu ari yo ifite igikombe giheruka.

APR VC yari ikeneye intsinzi uko byagenda kose kuko yatsindiwe i Gisagara na Kepler VC, yagaragaje ko ari ikipe nkuru yongera kugaruka, itsinda Gisagara amaseti 3-0 (23-25, 17-25, 19-25).

Imikino ya Volleyball irakomeza kuri uyu wa Gatandatu, tariki ya 15 Ugushyingo, aho mu bagore Ruhango VC ikina na APR VC, naho EAUR WVC ihure na RRA.

Mu bagabo Kirehe VC irahura na APR VC, Gisagara VC ikine na KVC, naho Kepler VC ikine na EAUR VC.

REG VC ni yo yabimburiye andi makipe kubona intsinzi itsinda Kirehe VC amaseti 3-0

REG VC yabonye intsinzi yayo hakiri kare

Police WVC yatsinze Kepler WVC amaseti 3-2 bigoranye

Umukino wa Police WVC na Kepler WVC wari ishiraniro

Minisitiri wa Siporo, Nelly Mukazayire, ari mu banyuzwe n'umukino wa APR VC na Gisagara VC

Minisitiri Mukazayire yakurikiye imikino ya Volleyball yari injyanamuntu

Mutabazi Yves ni umwe mu bakinnyi bafashije APR VC mu buryo bukomeye

APR VC yrekanye ko ari yo ibitse Shampiyona iheruka muri Volleyball

APR VC yatsinze Gisagara VC idakozemo

Gisagara yari itaratsindwa umukino n'umwe muri Shampiyona igeze ku Munsi wa Gatanu