Volleyball: Amakipe 12 agiye guhurira mu irushanwa mbere yo gutangira shampiyona

ByByiringiro Osée ElvisKu wa 9 Ukwakira 2025 saa 17:19

Mu gihe Shampiyona ya Volleyball ibura icyumweru ngo itangire tariki ya 17 Ukwakira 2025, menshi mu makipe y’abagabo n’abagore agiye guhurira mu irushanwa rya ‘Medwell pre-season tournament’.

Iri rushanwa riteganyijwe tariki ya 10 na 11 Ukwakira 2025 muri Petit Stade na NPC i Remera.

Amakipe azaryitabira mu bagabo ni Police VC, Gisagara VC, REG VC, KVC, Kepler VC, APR VC na East Africa University. Mu bagore ni Police WVC, Kepler WVC, RRA, East Africa University na IPRC Huye.

Abazitabira iri rushanwa bazasobanurirwa gahunda zitandukanye z’ubuzima ndetse hateganyijwe ibikorwa bitandukanye byo gutanga amaraso n’ibindi. Uretse ababigize umwuga hazanakinwa imikino y’abanyabigwi.

Menshi mu makipe akina mu Cyiciro cya Mbere agiye guhurira mu irushanwa rya Pre-season

Ibitekerezo 0

Loading comments...