Kuri uyu wa Gatandatu, tariki ya 9 Gicurasi 2026, ni bwo kuri Petit Stade i Remera hakiniwe imikino ya gatatu mu ya kamarampaka isoza Shampiyona y’u Rwanda ya Volleyball.

Umukino wabanjirije indi ni uwa APR WVC na Kepler WVC, aho Ikipe y’Ingabo z’Igihugu yasabwaga gutsinda kugira ngo yegukane iri rushanwa.

Nk’uko byari byitezwe, iyi kipe yatsinze imikino 3-0. Uwo kuri uyu munsi warangiye itsinze inayirusha cyane, ku maseti 3-2 (22-25, 25-17, 25-20, 16-25, 15-10).

Nyuma y’uyu mukino hakurikiyeho uwa Police VC yari ifite intsinzi ebyiri, ikaba na yo yasabwaga gutsinda iya gatatu igahita yegukana igikombe bitagombereye imikino itanu.

REG VC yerekanye ko ari ikipe iheruka kwegukana umwanya wa gatatu mu mikino Nyafurika ihuza amakipe yabaye aya mbere iwayo, itsinda umukino uyigarura mu guhatanira igikombe.

Yahise itsinda Police VC amaseti 3-1 (25-22, 26-24, 20-25, 25-22), isubika ibirori by’iyi kipe y’abashinzwe umutekano yari gutwara igikombe iyo itsinda kuri uyu wa Gatandatu.

Umukino ukurikiraho uzaba mu cyumweru gitaha, ku itariki ya 16 Gicurasi 2026, aho REG VC n’itsinda hazakinwa undi mukino wa nyuma, ariko Police VC yatsinda igahita itwara igikombe.

Kepler WVC yananiwe kugaruka mu irushanwa itsindwa umukino wa gatatu

Abakinnyi Police VC yifashishije kuri uyu mukino

Abakinnyi REG VC yifashishije kuri uyu mukino

REG VC yakinnye umukino wo gupfa no gukira

REG VC yatsinze Police VC yiyongrera amahirwe yo gukomeza guhatanira shampiyona

Police VC yasabwaga gutsinda umukino ikagira intsinzi eshatu ariko byanze

REG VC yizeye gukomeza guhatana

REG VC izakina umukino wa kane mu cyumweru gitaha

REG VC mu byishimo byo kugaruka mu irushanwa

Kepler WVC yatsinzwe na APR WVC amaseti 3-0

Abakinnyi ba APR WVC bari mu byishimo bidasanzwe nyuma yo gutsinda Kepler WVC

Igikombe cya Shampiyona cya 2025/26 mu bagore cyatwawe na APR WVC

APR WVC yatwaye igikombe hakiri kare