Ni inkuru yamenyekanye kuri uyu wa Gatandatu tariki ya 12 Kamean 2021, ariko amakuru IGIHE yamenye ni uko uyu mutoza yasinyiye iyi kipe amasezerano ku wa Gatanu tariki ya 11 Kamena 2021.

Peter Kamasa aganira na IGIHE, yavuze ko bamusaba guha amahirwe abakinnyi bakiri bato no kubafasha kuzamura urwego no kuzana ibyishimo i Kirehe.

Peter Kamasa, yatoje amakipe nka REG VC ubwo yari yungirije Mugisha Benon na RRA WVC ubwo yari yungirije Masumbuko wagiye muri UTB WVC. Kamasa kandi yanabaye umutoza mukuru wa RwandAir VC ndetse yegukana igikombe cya shampiyona yo mu mikino y’abakozi itegurwa na ARPST.

Uyu mutoza, agomba gutoza iyi kipe muri uyu mwaka 2021-2022. Ndetse yahise atangiza imyitozo yatangiye Saa kumi z’amanywa.

Iyi kipe ya Kirehe VC kandi mu 2018 yatojwe na Visi Perezida wa kabiri mu Ishyirahamwe Nyarwanda ry’Umukino wa Volleyball, Bagirishya Jean de Dieu usanzwe ari n’umuyobozi wa Radio B&B FM.

Kamasa (ubanza ibumoso) yungirije Mugisha Benon muri REG VC

Kamasa yanatoje RwandAir VC muri shampiyona ihuza ibigo by'abakozi

Ni umutoza wanakinnye umukino wa Volleyball

FRVB iherutse guhemba umutoza, Peter Kamasa nko kumushimira ibyo akomeje guha umukino wa Volleyball

Kamasa ni umutoza uzwiho guhuza n'abakinnyi