Kigeli V Ndahindurwa ari mu bantu 90 000 basabye Papa kuziririza ubutinganyi muri Kiliziya

00:00:00 IGIHE NETWORK

KINYARWANDA

ENGLISH

FRANCAIS

Kigeli V Ndahindurwa ari mu bantu 90 000 basabye Papa kuziririza ubutinganyi muri Kiliziya

Yanditswe na

Herve Ugirumukunda

Kuya 13 February 2015 saa 03:22

Yasuwe :

Yavuzweho:

Umwami Kigeli wa V Ndahindurwa hamwe n’abandi bakaridinali n’impuguke bagera mu 90 000 barwanya impinduka, bandikiye Papa Francis bamusaba kuvana urujijo ku byo Kiliziya Gatolika yigisha ku buzima bw’imyororokere cyane cyane ku butagatifu bwo gushinga urugo n’icyaha cyo kuryamana no gushyingiranwa kw’abahuje igitsina.
Abashyize umukono kuri urwo rwandiko bari mu miryango 30 iharanira ubusugire bw’ingo (imiryango) n’ubuzima yishyize hamwe mu izina “Ijwi ry’Umuryango” n’Ishyirahamwe (…)

Abashyize umukono kuri urwo rwandiko bari mu miryango 30 iharanira ubusugire bw’ingo (imiryango) n’ubuzima yishyize hamwe mu izina “Ijwi ry’Umuryango” n’Ishyirahamwe ry’Abongereza Rirwanya Ikurwamo ry’Inda rikita no kubana bavutse batujuje igihe (SPUC) .

Iryo tsinda rirwanya bimwe mu byaganiriweho muri Sinodi y’abakuru ba Kiliziya Gatolika yo mu 2014 birimo, gusezeranya abatandukanye no guha uburenganzira abatinganyi.

Icyo gihe Papa Francis yavuze ko abatinganyi bafite uburenganzira bwo gusenga kimwe n’abandi bakirisitu gatolika, ariko ko ntabwo bafite bwo kubyiratana kuko ubutinganyi ari icyaha mu bindi.

Abashyize umukono kuri urwo rwandiko bemeza ko kuzana impinduka zijyanye n’iki gihe muri Kiliziya Gatolika ari kimwe mu byerekana ko “Imbaraga z’umwijima zibasiye Kiliziya Gatolika”.

Bavuga ko abashaka impinduka bashaka gusenya burundu ukuri nyako kw’ukwemera.

Muri urwo rwandiko birinze kunenga Papa Francis ku giti cye bashyira amakosa yose kuri Sinodi y’umuryango yabaye umwaka ushize.

Batangira bagaragaza ko iterambere ryamamazwa mu binyamakuru riteza imbere ubusambanyi kandi ari ryo tegeko rya 6 riziririzwa n’Imana.

Basanga ari amahano no kuba abayobozi ba Kiliziya Gatolika batekereza “ Gusezeranya abatinganyi n’abatandukanye kuko byose bifatwa nk’agahomamunwa n’amategeko y’Imana.”

Basaba Papa gukoresha ububasha afite akavanaho urujijo akerekana aho Kiliziya ibogamiye agendeye ku nyigisho za Yezu Kirisitu.

Umwe muri bo Dr. Gerard J. M. van den Aardweg avuga ko abakirisitu babarirwa muri za miliyoni bababajwe n’imyanzuro abayobozi bafatiye muri iyo Sinodi.

Ati”Rwose ibika bivuga ku batinganyi mu myanzuro yavuye muri iyo Sinodi byakomerekeje bikomeye abagatolika n’abandi bakirisitu benshi, Papa nagire icyo akora.”