Ni igitaramo cyatumiwemo abaramyi batandukanye barimo Ben na Chance, Bella Kombo, Ebuka Songs, Zoravo, Kenneth na Rebirth Worship.

Iki gitaramo cyabereye muri Camp Kigali mu ijoro ryo ku wa Gatandatu cyitabiriwe n’abantu benshi bakunda umuziki wo kuramya no guhimbaza Imana.

Saa Kumi zuzuye, itsinda rya Rebirth Worship ryari ritangiye gususurutsa abitabiriye igitaramo.

Ben na Chance bakunzwe cyane mu Rwanda kubera imiririmbire yihariye, basusurukije abitabiriye iki gitaramo mu ndirimbo zabo ziganjemo izigezweho muri ibi bihe.

Zaravo wo muri Tanzania uzwi cyane mu ndirimbo nka ‘Majeshi ya Malaika’, ‘Anarejesha’ yakoranye na Rehema Simfukwe na ‘Ameniona’ yakoranye na Bella Kombo, yanyuze imitima y’abitabiriye igitaramo cya In Christ Now kubera imiririmbire ye idasanzwe.

Bella Kombo na we yanyuze imitima y’Abanya-Kigali bari bitabiriye icyo gitaramo mu ndirimbo zitandukanye zirimo n’izo yakoranye na Zaravo.

Ubwo Tracy na René bageraga ku rubyiniro, bakoze udushya dutandukanye bari bamaze igihe bahishiye abakunzi babo turimo no kuba Tracy yanyuzagamo agakora nk’uyobora igitaramo (MC).

Baririmbye indirimbo zitandukanye zirimo Jehovah, Ni byiza, Imirimo yawe n’izindi zitandukanye.

Iki gitaramo cyitabiriwe n’abantu b’ingeri zitandukanye barimo n’abahanzi n’abaramyi nka Papy Clever na Dorcas, Uwimana Aime, Josh Ishimwe, Trésor n’abandi.

Cyanitabiriwe kandi n’abayobozi b’amatorero barimo n’Umushumba Mukuru w’Itorero rya ADEPR, Ndayizeye Isaïe na Pst Julienne Kabanda n’abandi.

René na Tracy bagaragaje ko iki gitaramo kigiye kuba ngarukamwaka aho kizajya gikorwa buri cyumweru cya nyuma cy’ukwezi kwa Nyakanga buri mwaka.

Aba baramyi basobanura ko “In Christ now” ari igikorwa kigamije kwagura ubusabane hagati y’abantu n’Imana.

Abitabiriye igitaramo 'In Christ Now' babashije gusabana n'Imana

Igitaramo cyitabiriwe n'abantu benshi

Igitaramo cya 'In Christ Now' cyari cyitabiriwe n'abantu benshi, batashye basabanye n'Imana

Hari abantu 1000 binjiriye ubuntu

Trésor uzwi cyane mu kuramya no guhimbaza Imana na we ari mu bitabiriye igitaramo

Hari abo kwiyumaganya banyaniraga bakazamura amaboko, baha Imana icyubahiro

Abaramyi Mpuzamahanga mu gitaramo cya Tracy na René bakoze mu nganzo, abantu bagira ubusabane n'Imana

Ebuka Songs wataramiye i Kigali mu ndirimbo ze zitandukanye yagaragaje ubuhanga n'impano idasanzwe

Zaravo yongeye kugaragaza ubuhanga mu kuramya no guhimbaza Imana

Umuramyi wo muri Tanzania, Zaravo, yafatanyije na Bella Kembo banakoranye indirimbo zitandukanye

Bella Kembo yishimiye gutaramira mu Rwanda

Ben na Chance baririmbye indirimbo zabo zikunzwe cyane, ziryohera abitabiriye igitaramo

Ben na Chance ku rubyiniro, bataramye biratinda

Ben na Chance bafashije abitabiriye igitaramo cya 'In Christ Now' kurushaho gusabana n'Imana

Iki gitaramo cyanyuze imitima y'abacyitabiriye

Umuhanzi Josh Ishimwe yitabiriye iki gitaramo, ananyurwa n'imiririmbire y'abaririmbyi bagenzi be

Tracy yakoze amateka mu gitaramo 'In Christ Now'

Umuramyi Uwimana Aime kwiyumanganya byamunaniye, afatanya na Tracy guhimbaza Imana

Umuramyi Elie Bahati uri mu bakunzwe cyane na we yari yitabiriye iki gitaramo

Papy Clever na Dorcas bakubutse muri Canada bagiye gushyigikira abaramyi bagenzi babo

Papy Israel yacurangiye Tracy na René saxophone

Tracy n'umugabo we, René baririmba zimwe mu ndirimbo zabo zikunzwe cyane

René yagaragaje ko igitaramo In Christ now kigiye kuba ngarukamwaka

Tracy yaririmbanye imbaraga mu gitaramo yateguranye n'umugabo we

Umushumba Mukuru w'Itorero rya ADEPR, Ndayizeye Isaie, yasengeye Tracy na René bateguye igitaramo cya 'In Christ Now'

René yashimiye abitabiriye igitaramo cyabo cya 'In Christ Now'