Umugore wo muri Espagne wibagishije igitsina akihindura umugabo, yakiriwe n’umushumba wa Kiliziya Gatolika , Papa Francis i Vatikani ku wa gatandatu ushize aherekejwe n’umukobwa bitegura kurushinga.
Diego Neria Lejarraga yahuye na Papa ku wa gatandatu ushize nyuma yo kumwandikira mu kwezi k’Ukuboza amusaba ko bahura akamutura akababaro atewe no kuba yarafatwaga nk’igicibwa n’abapadiri ba Paruwasi akomokamo ya Plasencia.
Uyu mukobwa w’imyaka 48 ariko wihinduje umusore yabwiye Francis ko yafatwaga nabi kugeza n’ubwo umwe mu bapadiri amwise “umukobwa wa sekibi.”
Ibiro Ntaramakuru by’Abafaransa bivuga ko guhura kwa Papa Francis bitigeze bishyirwa kuri gahunda zizwi za Vatikani bityo iyo leta ikaba ishobora kwemeza cyangwa igahakana ko iki gikorwa cyabayeho.
Ubusanzwe Kiliziya Gatolika ntiyemera ko umuntu yahindura igitsina ariko Papa Francis yagiye abyihanganira mu rwego rwo kugaragariza urukundo abumva ko bagizwe ibicibwa.
Papa Francis yateje impaka mu bakirisitu ubwo yavugaga ko abaryamana bahuje ibitsina ari abantu nk’abandi, n’ubwo nabo badakwiye kurata ko ibyo bakora ari byiza.
TANGA IGITEKEREZO