Uyu muririmbyi utuye mu Bufaransa ni we watangije iki gitaramo cyabereye mu mujyi wa Ottawa cyari cyitabiriwe n’abasaga igihumbi.

Yahise yakira Kaze Clark wamaze iminota icumi ku rubyiniro, akurikirwa na Willy Uwizeye na we watanze ibyishimo ku banyarwanda n’abarundi bari muri iki gitaramo bahimbaza Imana.

Adrien Misigaro wari utaramiye bwa mbere muri Ottawa yaririmbye indirimbo zitandukanye kugeza ku ndirimbo “Ninjye ubivuze” yanitiriye album nshya yitegura gushyira hanze.

Adrien yashimiye abanyarwanda n’ Abarundi bitabiriye iki gitaramo bakaririmbana na we dore ko bwari ubwa mbere aririmbiye muri Ottawa.

Adrien yakurikiwe na Gentil Misigaro usanzwe atuye muri Canada wishimiye gusoza iki gitaramo.

Mbere y’uko iki gitaramo kirangira Fortran Bigirimana yahamagaye Adrien Misigaro baririmbana indirimbo bise “Birakumvira” , akurikizaho Gentil Misigaro baririmbanye indirimbo bakoranye bise “Nzamura”.

Ibi bitaramo byateguwe na Dieudonné uzwi nka Diego nyiri Sosiyete Re -Image Canada Inc iri kugendana n’aba baririmbyi b’indirimbo zo kuramya no guhimbaza Imana.

Fortran Bigirimana avuga ko ibi bitaramo ari umwanya mwiza ku Banyarwanda batuye muri Canada, aho bahurira bakaramya bagahimbaza Imana.

Igitaramo aba baririmbyi bakoreye Ottawa cyitabiriwe n'abasaga 1000

Adrien yashimiye abanyarwanda n’Abarundi bitabiriye iki gitaramo

Fortran Bigirimana ni we wari wahindutse umuyobozi w’igitaramo

Fortran Bigirimana avuga ko ibi bitaramo ari umwanya mwiza ku Banyarwanda batuye muri Canada bahuriramo bakaramya Imana

Fortran Bigirimana yanyuzwe n'urukundo yeretswe n'abitabiriye iki gitaramo yari akoreye Ottawa

Iki gitaramo cyitabiriwe n'abanyarwanda, Abarundi ndetse n'inshuti zabo batuye umujyi wa Ottawa

Nyuma yo gutaramira Ottawa Fortran Bigirimana yahise yerekeza Montreal

Willy Uwizeye ,Kaze Clark ,Adrien na Gentil Misigaro mbere yo gutaramira muri Ottawa