Ni mu gitaramo cyari cyiswe “Siryo Herezo Live Concert” cyabaye kuri uyu wa Gatandatu tariki 9 Nzeri 2023 muri Expo Ground i Gikondo.

Cyabereyemo “Live Recording’ y’indirimbo 10 zigize album nshya ya Messengers Singers.

Iri tsinda niryo ryabanje ku rubyiniro risusurutsa abantu muri izi ndirimbo zafatwagwa mu buryo bwa live. Ryaririmbye indirimbo nyinshi ryimara ipfa cyane yari umunsi waryo.

Aba baririmbyi bagiye ku rubyiniro kabiri, baririmba indirimbo zirimo iyo bise “Siryo herezo”, “Sinziheba”, “Yesu arakomeye”, “Rubanda”, “Ajya Amba Hafi”, “Senga”, “Sinziheba” n’izindi.

Izi ndirimbo zari ziganjemo inshya abantu bamwe batari bazi ariko wasangaga kubera umudiho wazo n’uburyo zari zoroshye kuzifata, bajyanaga naryo ijambo ku rindi nyuma yo kuzumvaho gato.

Nyuma yo kuririmba kw’iri tsinda ryakurikiwe na na Israel Mbonyi, waririmbye indirimbo ze zitandukanye zakunzwe zirimo “Karame”, “Nzaririmba” na “Ku marembo y’ijuru’’.

Uyu muhanzi yavuze ko yishimiye uburyo yakiriwe ku rubyiniro. Ati “Nishimiye uko mwanyakiriye muri mu mavuta.”

Umuyobozi wa Messengers Singers, Ishimwe Emile, yabwiye IGIHE ko uko batekerezaga igitaramo ntaho bitandukaniye n’uko byagenze.

Ati “Igitaramo uko cyagenze neza uko twabiterekerezaga niko cyagenze. Amasaha yabaye make. Ikindi gitaramo nk’iki kizaba umwaka utaha ariko ntabwo bizatubuza gukora ibindi bito.”

Yavuze ko bahisemo gutumira Mbonyi kuko ari umwe mu bahanzi bahagaze neza mu muziki wo kuramya Imana kandi ufite umubare munini w’abakunda ibihangano bye.

Muri iki gitaramo hanagaragajwemo amateka ya Messengers singers. Iri tsinda ryashinzwe ku wa 30 Kamena 2009. Rigizwe n’abaririmbyi barindwi; ryatangiriye ivugabutumwa binyuze mu ndirimbo muri College Adventiste de Gitwe mu Karere ka Ruhango mu Majyepfo y’u Rwanda.

Kugeza ubu iri tsinda rifite album ebyiri z’amajwi na album imwe y’amashusho n’izindi ndirimbo ryagiye risohora zitandukanye zikanyura imitima y’abakunzi b’ibihangano bihimbaza Imana.

Muri iki gitaramo bakoze bafataga amashusho y’indirimbo zigize album yabo nshya bazashyira hanze mu mini iri imbere bise “Siryo Herezo”.

Messengers Singers yari yateguye igitaramo cyo gufata amashusho y'indirimbo 10 zigize album nshya bagiye gushyira hanze

Messengers Singers yakoze igitaramo cyitabiriwe

Messengers Singers iri kwitegura gukora ibindi bitaramo byinshi

Mbonyi amaze iminsi agaragaza ko ari umwe mu bahanzi bakunzwe mu bahanzi baririmba indirimbo zo kuramya Imana

Messengers Singers yagiye ku rubyiniro kabiri ikora 'live recording' ya album yayo nshya

Messengers Singers ni itsinda rigizwe n'abasore gusa

Israel Mbonyi mbere yo kujya ku rubyiniro yabanje gukurikira Messengers Singers bamutumiye bari kuririmba

Israel Mbonyi yahawe umwanya utarenze iminota mirongo ine bibabaza abari bitabiriye igitaramo

Iki gitaramo n'abakiri bato cyabashimishije

Indirimbo z'aba bahanzi zakoze benshi ku mutima

Iki gitaramo cyitabiriwe ku bwinshi

Buri wese yarekanye ko icyubahiro ari icy'Imana

Hozy uri mu bafasha Mbonyi ku rubyiniro yanyuze benshi kubera ijwi rye

Hari bamwe batashye bavuga ko amasaha yari kongerwa

Benshi mu babyeyi bari bitabiriye iki gitaramo batashye bizihiwe

Amashimwe yari menshi muri iki gitaramo

Amashimwe ya menshi ku bakunzi b'umuziki wo guhimbaza Imana

Wari umwanya wo kwiyegereza Imana

Abasore bagize Messengers Singers bakoze iyo bwabaga

Abaramyi bakizamuka bari bahawe umwanya

Abantu basirimbye karahava

Wari umugoroba wo gushima Imana

Uyu mugoroba udasanzwe ku bakunzi bo kuramya Imana wari wateguye na Messengers Singers

Mbonyi yavuze ko yishimiye gutaramira abakunzi be kubera uko yabonye bari bameze

Umunyamakuru Kate Gustave yari umwe mu bitabiriye iki gitaramo

Umwe mu baririmbyi bafashije Messengers Singers yari yafashijwe

Sugira Florence (wambaye umutuku) yari yizihiwe

Abantu bari bitabiriye ku bwinshi

Abakunzi b'umuziki uhimbaza Imana bishimiye ibihe byiza byo guhimbaza

Abagabo nabo bari babukereye

Ababyeyi bashimye Imana muri iki gitaramo

Amafoto: Kasiro Claude