Moriah Entertainment Group, Kompanyi isanzwe itegura ibikorwa by’abahanzi baririmba indirimbo zihimbaza Imana, yahurije hamwe abahanzi bakunzwe mu ndirimbo zihimbaza Imana (gospel) mu Rwanda no mu Burundi mu gitaramo cyitwa ‘Ikuzo Gospel Concert’ kizaba kuwa 9 ukuboza 2012 muri Stade Ntoya Amahoro i Remera guhera saa munani n’igice z’amanywa (14h30’).

Abo bahanzi duhereye ku bo mu Rwanda barimo Gaby Kamanzi waririmba indirimbo yitwa “Amahoro”, Aline Gahongayire, Liliane Kabaganza, Theo Bose Babireba, Bahati, Cubaka Justin, Bobo Bonfils, Patient Bizimana, Shekinah Worship Team, Asaph Ubumwe, The Blessing,, Asaph Music, Alarme Ministries, Rehoboth Ministries, Cyubahiro Yves, Wellars, Philemon, Mugabe Asiel, Gashongore, Honoray, Serges, Jimmy Claude, Frere Manu, Ibra, Justin (Ear), Rachel, Power of the Cross n’abandi.

Ku ruhande rw’u Burundi harimo abahanzi babiri bakunzwe kurusha abandi mu ndirimbo zihimbaza Imana ari bo Dudu ndetse na Fortran.

Eric Mashukano, umwe mu bari gutegura iki gitaramo, avuga ko bateguye iki gitaramo mu rwego rwo guteza imbere no kuzamura ibikorwa bya gikirisitu n’ibikorwa bya kimana bitandukanye mu Rwanda no mu Karere.

Yagize ati “Ni igikorwa cyateguwe kinatekerezwa na Moriah Entertainment Group mu rwego rwo guteza imbere umuco wo kuramya no guhimba Imana mu ba kirisitu kandi bikaba ihuriro ryo kuzana abantu kuri Yesu bakira agakiza.”

Kwinjira muri iki gitaramo ni amafaranga ibihumbi bibiri y’u Rwanda (2000).

Ushaka kumenya byinshi kuri iki gitaramo kanda HANO