Igikorwa cyo guhitamo abakobwa 20 b’uburanga cyabereye i Gikondo muri Expo Ground ku mugoroba wo kuri uyu wa Gatandatu, tariki ya 1 Gashyantare 2020.
Cyitabiriwe n’ibihumbi by’Abanyarwanda barimo ababyeyi, abavandimwe n’abafana b’abakobwa batandukanye bahataniye ikamba rya Nyampinga w’u Rwanda.
Guhera tariki 21 Ukuboza 2019 kugeza ku wa 18 Mutarama 2020 mu gihugu hose hakozwe amajonjora y’ibanze yo gushaka abakobwa b’ubwiza bashaka ikamba rya Miss Rwanda 2020, ahavuye 54 ari nabo batoranyijwemo 20 bazajya mu mwiherero.
Mu ijonjora ry’ibanze ryatangiriye mu Ntara y’Uburengerazuba habonetse abakobwa batandatu, Amajyaruguru atanga batandatu, mu Majyepfo hatoranyirijwe barindwi, mu Burasirazuba hava abakobwa 15 mu gihe mu Mujyi wa Kigali hatowe abakobwa 20.
Abakobwa 54 bafite ubwiza, umuco n’ubwenge byemeje Akanama Nkemurampaka ni bo bemerewe gukomeza mu cyiciro kibanziriza icya nyuma batoranyijwe mu basaga 400 biyandikishije mu gihugu hose.
Ku wa 22 Mutarama 2020 nibwo abakobwa b’uburanga bahawe nimero bamaze iminsi bakoresha mu gushaka amajwi yabafasha gutera intambwe ibaganisha ku kwambara ikamba bose bahataniye.
Abakobwa bose uko ari 54 banyuze imbere y’Akanama Nkemurampaka bamurika imishinga yabo. Buri wese yari yagenewe umunota umwe wo kugaragaza ibikubiye mu byo ateganya gukora niyambikwa ikamba n’uko bizashyira mu bikorwa.
Bitandukanye n’amarushanwa yabanje, abagize Akanama Nkemurampaka ntibigeze babaza abakobwa ibibazo. Bavugaga imishinga yabo, uwo igihe cyagenwe kigeze atarawusoza, agahagarikwa hakakirwa undi.
Mu gusobanura imishinga, buri mukobwa yavugaga mu rurimi ashaka; abenshi bavuze mu Kinyarwanda n’Icyongereza. Umukobwa yageraga imbere akavuga amazina ye, agahita asobanura umushinga we.
Iki gikorwa gisojwe nibwo abagize Akanama Nkemurampaka barimo Miss Mutesi Jolly, inzobere mu by’ubukungu Kaberuka Teddy, umunyamakuru Munyaneza James, Agnes Mukazibera wabaye Depite mu Nteko Ishinga Amategeko n’umuhanzi w’umunyabigwi Mariya Yohana.
Mu bakobwa 20 bakomeje mu mwiherero harimo babiri bagendeye ku itike yo kuba aribo bafite amajwi menshi binyuze kuri internet na telefoni. Aba barimo Nishimwe Naomie na Irasubiza Alliance.
Aya majwi yabazwe ku buryo bukurikira; SMS 60%, ayabatoreye kuri IGIHE.com 20% mu gihe uburyo abantu bazashyigikira umukobwa bwabariwe kuri 20%.
Igikorwa cya Miss Rwanda kizasozwa tariki 22 Gashyantare 2020 aribwo hazamenyekana uwegukanye ikamba rya Nyampinga w’u Rwanda 2020 asimbuye Nimwiza Meghan ufite irya 2019.
UKO IGIKORWA CYO GUHITAMO ABAKOBWA 20 BAZITABIRA UMWIHERERO CYAGENZE:
Amashusho agaragaza uko igikorwa cyagenze
– Imishinga 20 y’abakobwa bakomeje mu mwiherero
– Imishinga 54 yose yamuritswe n’abakobwa batoranyijwemo mu gihugu hose
– Uko abakobwa biyerekanye imbere y’Akanama Nkemurampaka
– Ubwiza bw’abakobwa 20 bazitabira umwiherero wa Miss Rwanda 2020
– Imishinga 34 y’abakobwa basezerewe
– Akanyamuneza karanaze abakobwa bahamagarwa
– Urutonde rw’abakobwa bazitabira Umwiherero wa Miss Rwanda 2020
1. Irasubiza Alliance [No 11]
2. Nishimwe Naomie [No31]
3. Mutesi Denyse [No28]
4. Ingabire Gaudence [No8]
5. Ingabire Rehema [No10]
6. Musana Teta Hense [No26]
7. Kirezi Rutaremara Brune [No17]
8. Mukangwije Rosine [No21]
9. Ingabire Diane [No7]
10. Ingabire Jolie Ange [No9]
11. Mutegwantebe Chanice [No27]
12. Kamikazi Rurangirwa Nadege [No15]
13. Akaliza Hope [No1]
14. Umuratwa Anitha [No42]
15. Marebe Benitha [No18]
16. Teta Ndenga Nicole [No35]
17. Uwase Aisha [No51]
18. Nyinawumuntu Rwiririza Delice [No33]
19. Umutesi Denise [No43]
20. Umwiza Phionah [No47]
22: 46: Igikorwa cyo guhitamo abakobwa 20 bemerewe kujya mu mwiherero cyashyizweho iherezo. Abanyamakuru bakiyoboye bashimiye abaherekeje irushanwa rya Nyampinga w’u Rwanda kuva ritangiye barimo abafatanyabikorwa n’abaterankunga bayo ndetse n’itangazamakuru.
Biteganyijwe ko umukobwa uzambikwa ikamba azamenyekana ku wa 22 Gashyantare 2020. Mwakoze kubana natwe!
– ABAKOBWA 20 BAKOMEZA BAGIYE GUTANGAZWA!
Nyuma y’iminota 37, abagize Akanama Nkemurampaka biherereye, bagarutse mu byicaro byabo. Abakobwa 54 bose bongeye guhamagarwa imbere y’imbaga, ahatangarijwe 20 bazajya mu mwiherero.
Martina Shami na Luckyman Nzeyimana ni bo bagiye gutangaza amazina y’abakomeje.
Abakobwa babiri ni bo bemerewe gukomeza mu kindi cyiciro babikesha kuza ku isonga kubera amajwi menshi. Aba barimo Irasubiza Alliance [No 11] na Nishimwe Naomie [No31].
– Hategerejwe kumenyekana abakobwa bakomeza mu mwiherero
21:49: Abagize Akanama Nkemurampaka bagiye kwiherera bateranye amajwi mbere yo gutangaza abakobwa 20 bemerewe gukomeza mu mwiherero wa Miss Rwanda 2020. Muri aka kanya Dj Ira ni we wavangaga imiziki itandukanye.
21:47:Wihogora Phionnah [No54] ni we mukobwa wa nyuma wanyuze imbere y’Akanama Nkemurampaka. Yavuze ko umushinga we uzita ku gusigasira uburenganzira bw’abana.
21:45: Uwimpaye Marlène [No53] afite umushinga wo gutoza Abanyarwanda kugira ubumenyi bw’ibanze ku mutekano w’ikoranabuhanga no kurwanya ibyaha biryifashisha.
21:44:Uwimana Joyeuse [No52] yambitswe ikamba yashyira mu bikorwa umushinga wo gutoza urubyiruko kugira umuco wo kwizigamira.
21:41: Uwase Aisha [No51] afite umushinga wo kurwanya guceceka, akato gahabwa abantu bahuye n’ihohoterwa rishingiye ku gitsina.
21:39: Uwamahoro Phoebe [No50] afite umushinga ugamije kurwanya igwingira ry’abana.
21:38: Utamuliza Ella [No49] afite umushinga ugamije kurwanya inda ziterwa abangavu.
21:36: Urujeni Melissa [No48] afite umushinga wo gutanga ubujyanama mu mashuri (mentorship).
21:34: Umwiza Phionah [No47] afite umushinga wo guhangana n’ikibazo cy’abana bafatwa ku ngufu.
21:32: Umwaliwase Claudette [No46] afite umushinga ujyanye no gutoza abato kugira umuco wo gusoma no kwandika.
21:28: Umutoniwase Nadia [No45] afite umushinga ugamije kugabanya umubare w’abana bo mu muhanda.
21:28: Umutesi Nadège [No 44] afite umushinga wo kwihangira imirimo ahereye mu rubyiruko.
21:26: Umutesi Denise [No43] ni we uri imbere y’akanama nkemurampaka. Umushinga we ugamije kwita ku ruhare rw’umuguzi no mu iterambere rya serivisi zitandukanye.
21:24: Umuratwa Anitha [No42] yageze imbere y’akanama nkemurampaka. Yamuritse umushinga we ushingiye ku guteza imbere siporo yita ku gufasha abakiri bato gukunda siporo.
21:23:Umumararungu Ange Aline [No41] afite umushinga wo guteza imbere ubukungu budashingiye ku guhererekanya amafaranga mu ntoki.
21:20: Umulisa Rosemary [No40] yavuze ko afite umushinga wo kurwanya imirire mibi mu bana bari munsi y’imyaka itanu.
21:17: Umuhoza Doreen [No39] afite umushinga wo gushyiraho Urubohero nk’ahantu abakobwa bahererwa impanuro, hakanakorerwa imishinga igamije kwiteza imbere.
Ubusanzwe kera urubohero ni ahantu abakobwa bahuriraga bakaganira, bakagirana inama bagacyahana hagamijwe kububakamo abantu b’umumaro, bazirikana indangagaciro zikwiye kuranga Umunyarwandakazi.
21:16: Umubyeyi Natasha [No38] afite umushinga wo gutoza abato indangagaciro zikwiye kubaranga.
21:13: Tuza Prime Rose [No37] afite umushinga wo kubaka amashuri y’incuke mu byaro.
21:12: Tumuhorane Blaise [No36] afite umushinga wo kwita ku kwigisha amategeko y’umuhanda no gushyigikira gahunda ya Polisi y’Igihugu ya Gerayo Amahoro igamije kugabanya impanuka.
21:09: Teta Ndenga Nicole [No35] afite umushinga wo gushishikariza buri rugo gutera nibura ibiti bitatu biribwa mu kurwanya imirire mibi.
21:07: Teta Maureen [No34] afite umushinga wita ku mirire mibi mu bana bakiri bato.
21:06: Nyinawumuntu Rwiririza Delice [No33] azita ku kuzamura umubare w’abana b’abakobwa biga ibijyanye na Siyansi.
21:04: Numukobwa Dalillah [No 32] azita cyane ku bafite ubumuga kugira ngo boroherwe no kubona serivisi zibagenewe.
21:02: Nishimwe Naomie [No 31] afite umushinga ujyanye no kugabanya agahinda gakabije mu rubyiruko (depression).
20:59: Nikuze Icyeza Aline [No30] afite umushinga wo gutera ingabo mu bitugu umushinga wo kwizigamira binyuze muri ‘Ejo Heza’.
20:57: Niheza Deborah [No29] afite umushinga wo kwita ku bidukikije n’imihindagurikire y’ikirere.
20:56: Mutesi Denyse [No28] afite umushinga wo kugaragaza impano z’abantu hakiri kare bigafasha kwiteza imbere.
20:54: Mutegwantebe Chanice [No27] azita cyane ku gushyiraho umushinga wita ku bantu basaba ku mihanda.
20:52: Musana Teta Hense [No26] afite umushinga wo gukora ubukangurambaga bugamije kurwanya kanseri hakiri kare.
20:50: Murerwa Blandine [No25] azita ku guhangana n’amakimbirane yo mu ngo atuma habaho ihungabana, ubwicanyi n’ibindi bibazo.
20:49: Murangamirwa Ange [No24] atorewe kuba Nyampinga w’u Rwanda azita ku mushinga wo gukoresha ikoranabuhanga mu kugaragaza umuco wo gukunda igihugu no kugaragariza amahanga ibyo cyagezeho.
20:47: Munezero Grace [No23] afite umushinga wo guteza imbere ururimi rw’Icyongereza.
20:45:Mumporeze Josiane [No22] afite umushinga wo guteza imbere ururimi kavukire rw’Ikinyarwanda.
20:44: Mukangwije Rosine [No 21] afite umushinga wo gushishikariza urubyiruko kwikorera.
20:41: Mukabashambo Phionnah [No20] afite umushinga ugamije guteza imbere ikoranabuhanga no gukangurira abantu kurikoresha neza.
20:38: Mpinganzima Josephine [No19] afite umushinga ugamije guteza imbere ibikorerwa mu Rwanda.
20:35: Marebe Benitha [No18] afite umushinga ugamije kwita ku bafite ubumuga.
20:34: Kirezi Rutaremara Brune [No 17] afite umushinga wo kubaka porogaramu ifasha abafite ibibazo bitandukanye by’ubumuga.
20:32: Kansime Deborah [No 16] afite umushinga wo kurwanya ibiyobyabwenge binyuze mu gukora siporo.
20:30: Kamikazi Rurangirwa Nadine [No15] afite umushinga wo kwita ku bana bavukana ubumuga.
20:28: Kamikazi Celia [No 14] afite umushinga wo kugarura Urubohero nk’ahantu abakobwa bahuriraga bahana impanuro.
20:27: Ishimwe Melissa [No 13] afite umushinga wo guteza imbere ubuhinzi binyuze mu gutubura imbuto z’ibihingwa.
20:24: Ishimwe Divine [No 12] afite umushinga ugamije guhangana n’ihohoterwa rikorerwa abana mu ngo.
20:23: Irasubiza Alliance [No 11] afite umushinga ugamije guhangana n’ikibazo cy’inda ziterwa abangavu.
20:18: Ingabire Rehema [No 10] natorwa azita ku mibereho ya mwarimu yibanda ku bakorera mu cyaro. Umushinga we azawunyuza muri gahunda yise
#WeForTeachers platform. Ateganya gushyiraho iduka ry’abarimu rizabafasha kubona ibicuruzwa ku biciro byoroshye.
20:17: Ingabire Jolie Ange [No9] yize ibijyanye n’Amateka, Ubukungu n’Ubuvanganzo (HEL) mu mashuri yisumbuye. Afite umushinga wo gushishikariza urubyiruko by’umwihariko kwigiramo umuco wo kwizigama.
20:15: Ingabire Gaudence [No8] wiga ibijyanye na Business Management and Economics muri Kaminuza, afite umushinga wo guteza imbere ubukerarugendo bw’imbere mu gihugu.
20:13: Ingabire Diane [No7] yasoje amashuri yisumbuye mu bijyanye n’Amateka, Ubukungu n’Ubumenyi bw’Isi (HEG). Afite umushinga wo kurwanya ibiyobyabwenge cyane mu rubyiruko.
20:11: Ingabire Denise [No6] yize Imibare, Ubukungu n’Ubumenyi bw’isi (MEG) azakoresha ikoranabuhanga mu guteza imbere umuco Nyarwanda.
20:10: Ineza Charlène [No5] wize ibijyanye na Computer Science yavuze ko natorwa azafasha urubyiruko rwo mu mashuri yisumbuye gukora amahitamo meza mu byo biga.
20:08: Imanishimwe Hope Joy [No4] yize ibijyanye n’Iyobokamana mu mashuri yisumbuye. Afite umushinga ugamije kwita ku bakobwa baterwa inda bakiri bato no kubinjiza mu bushabitsi.
20:06: Igihozo Diane [No3] wasoje amashuri yisumbuye mu bijyanye na Computer Networking, yavuze ko umushinga we ugamije kurwanya inda ziterwa abangavu.
20:04 Gaju Evelyne [No 2] yiga ibijyanye n’Icungamutungo muri Kaminuza y’Amahoteli, Ubukerarugendo, Ikoranabuhanga n’Ubucuruzi (UTB). Umushinga we ujyanye no gushishikariza urubyiruko kwiga ibijyanye n’imyuga (TVET).
20:00 Umukobwa wa mbere, Akaliza Hope [No 1] ni we wabimburiye bagenzi be kunyura imbere y’Akanama Nkemurampaka. Uyu mukobwa wiga Business Management & Economics muri Kaminuza ya Kigali, yavuze ko umushinga we ugamije guteza imbere Ubukerarugendo. Yawusobanuye mu Cyongereza.
19:59: Mukazibera Agnes yasobanuye ibigiye kugenderwaho mu gihe abakobwa bagiye kunyura imbere y’abagize Akanama Nkemurampaka.
Bitandukanye nuko bisanzwe bigenda, kuri iyi nshuro umukobwa azajya avuga umushinga we ariko abagize akanama nkemurampaka baze kwiherera nyuma batange amanota bose barangiye.
– Impinduka mu bagize Akanama Nkemurampaka
Mu bagize Akanama Nkemurampaka bazengurutse hamwe na Miss Rwanda kuva mu ijonjora ry’ibanze, Miss Mutesi Jolly ni we wenyine wagarutsemo.
Kuri iyi nshuro hinjijwemo amasura mashya. Mu bagize Akanama Nkemurampaka harimo Umuhanzi Mariya Yohana; Umunyamakuru Munyaneza James; Kaberuka Teddy na Mukazibera Agnes.
Abanyamakuru Mike Karangwa, Evelyne Umurerwa na Miss Rwanda 2016 Mutesi Jolly, nibo batangiranye n’ijonjora ryo gushakisha umukobwa uzegukana ikamba rya Nyampinga w’u Rwanda 2020, aribo bagize akanama nkemurampaka.
Banyuze mu Ntara zose ariko mu Mujyi wa Kigali hajemo impinduka aho Dr. Higiro Jean Pierre wakunze kwitabazwa inshuro nyinshi mu kanama nkemurampaka yasimbuye Mike Karangwa wagize ikibazo cy’uburwayi.
19:39: Abakobwa bose uko ari 54 bari kwiyerekana imbere y’Akanama Nkemurampaka mu ntambuko iranga ba Nyampinga. Urebesheje ijisho urabona ko bakoze imyitozo ihagije.
Hari guseruka abakobwa babiri babiri, bagatambuka bakongera bagasubira mu rwambariro. Babukereye cyane kuko buri wese yakoze ku ikanzu iteye amabengeza, ijyanye n’ikimero cye.
19:30: Abanyamakuru ba Nzeyimana Luckman na Martina Shami Abera bakora kuri KC2, Ishami rya kabiri rya Televiziyo y’u Rwanda batanze ikaze ku bitabiriye Miss Rwanda.
Batangiye bavuga uko urugendo rwo guhitamo abakobwa rwatangiye kugeza umunsi wanone, hasigayemo 54 bahataniye imyanya 20 yo kujya mu mwiherero.
– Umuriri w’abafana uri hejuru!
19:22: Abafana benshi, bicaye mu buryo bugaragaza umukobwa bashyigikiye. Bamwe bitwaje ibyapa bininii biriho amafoto y’abakobwa bari inyuma. Bari kuririmba bajyana n’injyana ziri gukinwa n’umuziki uri gucurangwa.
Mu ndirimbo uyu mukobwa ari gucuranga harimo izihuta zishobora no kwirukana imbeho mu bafana bari muri Expo Ground.
Umwe mu bafana witwaje icyapa kinini kiriho ifoto y’umukobwa witwa Umwiza Phiona [No 47] yabwiye IGIHE ko “Uyu mwana ni we ukwiye ikamba.’’
– Hari kuvangwa imiziki
Iradukunda Grace Divine [Dj Ira], umwe mu bakobwa bahanzwe amaso mu mwuga wo kuvanga imiziki mu Rwanda ni we uri gususurutsa abari mu ihema rya Expo Ground rigiye kuberamo iki gikorwa.
Mu ndirimbo ziri gukinwa harimo “Twifunze’’ ya Sintex; “Dede” ya Davis D; “On Fire” ya Andy Bumuntu n’izindi.
– Irushanwa ntiryakomwe mu nkokora n’imvura yiriwe ku muryango
Mu masaha ya saa Kumi n’Imwe z’umugoroba nibwo imiryango igana ku ihema riherereye muri Expo Ground i Gikondo yuguruwe. Abantu bagendaga binjira ari bake cyane ko imvura yari ikiri kujojoba mu kirere cya Kigali.
Igicu cy’umujyi kiriwe kidasa neza ndetse imvura yatangiye kugwa mu masaha ya kare, ariko ku mugoroba yatangiye kugenza make ku buryo n’abitabiriye iki gikorwa cya Miss Rwanda bateze moto babonye uko batambuka.
Abakobwa 20 bemerwa gukomeza mu mwiherero biteganyijwe ko mu cyumweru cya mbere cy’umwiherero bazakorera imikoro bazahabwa aho bazaba bari hose, hanyuma berekeze aho bazahurira tariki 9 Gashyantare 2020.
– Reba amafoto agaragaza abakobwa 54 bahataniye kwinjira mu mwiherero
– Abakobwa batandatu babonye itike yo guhagararira Uburengerazuba muri Miss Rwanda 2020 yatangiriye i Rubavu
1. Akaliza Hope (No 7)
2. Uwamahoro Phoebe (No 11)
3. Uwimana Joyeuse (No 6)
4. Umutesi Denise (No 2 )
5. Umuratwa Anitha (No 10)
6. Uwase Aisha (No 1)
– Abakobwa batandatu batoranyirijwe guserukira Amajyaruguru muri Miss Rwanda 2020
1. Tumuhorane Blaise (No 13)
2. Mukabashambo Phionah (No 8)
3. Mukangwije Rosine (No 14)
4. Umubyeyi Natacha (No 1)
5. Urujeni Melissa (No 9)
6. Umuhoza Doreen (No 3)
– Abakobwa barindwi batoranyirijwe guhagararira Amajyepfo muri Miss Rwanda 2020
1. Imanishimwe Hope Joy (No 12)
2. Musana Teta Hense (No 4)
3. Umwaliwase Claudette (No 1)
4. Igihozo Diane (No 16)
5. Ingabire Jolie Ange (No 3)
6. Umutoniwase Nadia (No 10)
7. Mumporeze Josiane (No 6)
– Abakobwa 15 batoranyirijwe guhagararira Uburasirazuba muri Miss Rwanda 2020
1. Numukobwa Dalillah (No 26)
2. Niheza Deborah (No 3)
3. Umutesi Nadege (No 17)
4. Ineza Charlène (No 5)
5. Nikuze Icyeza Aline (No 15)
6. Umwiza Phiona (No 6)
7. Kansime Deborah (No 9)
8. Ingabire Rehema (No 7)
9. Wihogora Phionnah (No 4)
10. Murangamirwa Ange (8)
11. Ingabire Denyse (24)
12. Nyinawumuntu Rwiririza Delice (No 25)
13. Munezero Grace (21)
14. Teta Ndenga Nicole (No 30)
15. Ingabire Diane (28)
– Abakobwa 20 b’uburanga bemerewe guhagararira Kigali muri Miss Rwanda 2020
1. Tuza Prime Rose (No 22)
2. Mpinganzima Josephine (No 19)
3. Murerwa Blandine (No 3)
4. Irakiza Alliance (No 24)
5. Teta Mauren (No 4)
6. Uwimpaye Marlene (No 25)
7. Kamikazi Rurangirwa Nadine (No 5)
8. Utamuliza Ella (No 17)
9. Gaju Evelyne (No 28)
10. Umumararungu Ange Aline (No 10)
11. Mutesi Denyse (No 27)
12. Ishimwe Divine (No 14)
13. Ishimwe Melissa (No 21)
14. Kamikazi Celia (No 8)
15. Kirezi Rutaremara Brune (No 30)
16. Mutegwantebe Chanice (No 7)
17. Marebe Benitha (No 15)
18. Umulisa Rosemary (No 31)
19. Ingabire Gaudence (No 23)
20. Nishimwe Naomie (No 26)
Amafoto: Miss Rwanda
Video: Salomo George, Uwacu Lizerie na Tumukunde Nadine
TANGA IGITEKEREZO