Ku munsi w’ejo tariki ya 28 Gashyantare 2019, nibwo mu isiganwa rya Tour du Rwanda hakinywe agace ka gatanu kavaga mu Mujyi wa Karongi kerekeza mu Mujyi wa Musanze.

Nyuma y’isiganwa, muri Stade Ubworoherane habereye igitaramo cy’imbaturamugabo cyarimo abahanzi b’ibyamamare mu Rwanda nka Riderman, Knowless, Social Mula, Marina, Dream Boys n’abandi.

Iki gitaramo cyateguwe ku bufatanye n’uruganda rw’ibinyobwa rwa Skol cyarebwe n’abaturage benshi cyane, bari bizihiwe no kubyina umuziki nyuma y’ibyishimo bari bamaze guhabwa n’amagare.

Uyu kandi wari umwanya wo gupima ku buntu virusi itera sida n’izindi ndwara, hakanatangwa inyigisho zitandukanye zifasha abaturage kubungabunga ubuzima bwabo.

Biteganyijwe igitaramo nk’iki kizabera mu Mujyi wa Kigali kuri uyu wa Gatandatu tariki ya 2 Werurwe 2019, habura umunsi umwe ngo Tour du Rwanda isozwe.

Abafana bari bitwaje ibishashi byacanwaga mu kirere

Butera Knwoless yaririmbishije abakunzi be biratinda

Knwoless yacaga bugufi akegera abakunzi be

Dream Boys n'abakunzi babo bagiye mu kirere kubera uburyohe bw'umuziki

TMC wo muri Dream Boys ku rubyiniro

Marina ni umuhanzikazi ukunzwe n'abatari bake muri iyi minsi

Marina abyinana n'umwe mu basore bari bakurikiye iki gitaramo

Uyu musore afite indirimbo ikunzwe cyane yise 'Ma Vie'

Umuhanzi Social Mula ukunzwe muri Ma Vie yashimishije ab'i Musanze

Social Mula yanyuze benshi mu ndirimbo ze z'urukundo

Riderman yasukiranyije amagambo mu njyana ya Rap benshi baranyurwa

Umuyobozi ushinzwe iyamamazabikorwa muri Skol, Benurugo Emilienne