Irushanwa rya Miss Supranational ku nshuro yaryo ya cyenda, rigomba kuzahuza abakobwa barenga 80 bo mu bihugu bitandukanye byo ku Isi harimo n’u Rwanda.
Miss Supranational izatangira kuwa 13 Ugushyingo izasozwe ku itariki ya 1 Ukuboza 2017 ahitwa Krynica-Zdrój muri Pologne [Poland]. Ubuyobozi butegura iri rushanwa bwatangaje ko abakobwa batoranyijwe bagomba kuzagerayo mbere y’ibyumweru bitatu ngo irushanwa risozwe.
Ingabire Habiba uzahagarariye igihugu nta kamba rya Nyampinga yigeze yambikwa mu byiciro bizwi gusa mu irushanwa rya Miss Rwanda 2017 yari mu bakobwa 16 biyamamarije guhagararira Umujyi wa Kigali ntiyabona amahirwe.
Umuhindekazi witwa Srinidhi Shetty ni we wegukanye Miss Supranational 2016 mu birori byabaye kuwa 2 Ukuboza 2016 kuri Spa Resort mu Mujyi wa Krynica- Zdroj.
TANGA IGITEKEREZO