Umujyi wa Kigali watangije gahunda yo gususurutsa abawutuye, utegura ibitaramo bizajya biba buri wa Gatanu wa nyuma w’ukwezi, aho abahanzi batandukanye bakunzwe mu Rwanda bazajya bafasha abanyamujyi kwishima.

Kuri uyu wa Gatanu tariki 26 Nyakanga 2019, nibwo abiganjemo urubyiruko bari buzuye mu gace kahariwe abanyamaguru [car free zone] baganuye iyi gahunda.

Hari abahanzi bakunzwe muri iki gihe nka Bruce Melody ufite Kungola yakoranye na Sunny ishyira benshi mu bicu, Allioni Buzindu uherutse gushyira hanze iyitwa “Tuku Tuku”, Bushali ugezweho cyane kubera indirimbo yise Nimuebue mu njyana bise Kinyatrap na Nsengiyumva uzwi nka Igisupusupu.

Hari kandi Makanyanga Abdul n’abacuranzi bakubise umuziki w’umwimerere uzwi nk’Igisope maze abantu barabyina karahava.

Umunyarwenya Patience Uwiringiyimana n’igipupe cye kivuga kizwi nka Golizo, batumye ntawe utaha azinze umunya.

Muri iki gitaramo hari abayobozi b’Umujyi wa Kigali nk’ushinzwe iterambere ry’ubukungu, Parfait Busabizwa n’Umunyanganga Nshingwabikorwa w’Inteko Nyarwanda y’Uririmi n’Umuco, Dr Vuningoma James, bijeje abanya-Kigali ko batazicwa n’irungu.

Allioni Buzindu yataramiye i Kigali nyuma y'igihe kinini

Bruce Melodie yageze aho akora siporo

Bruce Melodie abwira abafana ngo basimbukane mu kirere

Bushali muri Kinyatrap afite abakunzi benshi

Igipupe kivuga nk'abantu kizwi nka Golizo nacyo cyishimiwe

Igitaramo cya mbere cyabereye muri Car Free Zone cyitabiriwe n'abantu benshi

Kinyatrap ku rubyiniro

Makanyaga Abdul ari kumwe n'itsinda ryacuranze ibizwi nk'Igisope

Nsengiyumva uzwi nk'Igisupusupu akunzwe na benshi muri iki gihe

Nsengiyumva n'umuduri we acuranga Mariya Jeanne izwi nk'Igisupusupu

Phil Peter na Dj Lenzo nibo barekuraga imiziki

Umunyamabanga Nshingwabikorwa wa RALC Dr Vuningoma James yavuze ko Abanyakigali batazicwa n'irungu

Busabizwa Parfait umwe mu bayobozi ba Kigali yitabiriye iki gitaramo

Inkweto Allioni yari yambaye

Yishimye ajya kubyinira hejuru aho bamureba bose

Amafoto: Muhizi Serge