Chinedu Ikedieze na Osita Iheme bageze ku kibuga mpuzamahanga cya Kigali mu ijoro ryo kuri uyu wa Gatatu i saa tatu.

Aba bagabo babaye ubukombe muri filime z’urwenya nka ‘Aki na Ukwa’, ‘Baby Police’, Tom and Jerry n’izindi nyinshi, baje mu bikorwa byiswe Naija-Rwanda Connect bigamije guteza imbere imyidagaduro binyuze mu myidagaduro cyane cyane sinema.

Kuri uyu wa Kane tariki 14 Gashyantare 2019 barakora igitaramo cy’urwenya kibera muri Kigali Conference and Exhibition Village [Camp Kigali], aho baba bari kumwe n’abanyarwenya bo mu Rwanda nka Kibonke, Joshua, Babu na Divin.

Biteganyijwe ko i saa yine babanza kugirana ikiganiro n’itangazamakuru.

Kuva Tariki 15 kugera tariki 17 Gashyantare 2018, Aki na Pawpaw bazitabira amahugurwa ya sinema bazaha abanyarwanda basanzwe muri uyu mwuga n’abandi bifuza kuwinjiramo.

Muri Werurwe bazagaruka mu Rwanda aho bazaba baje mu gikorwa cyo gufata amashusho ya filime y’uruhererekane yitwa ‘Big Tea’ aho bazayikinana n’abakinnyi ba filime bo mu Rwanda, bakabafasha kubamurika ku isoko nyafurika rya filime.

Abakobwa beza bari bagiye kubasanganira ku kibuga cy'indege

Bakiranywe urugwiro bakigera i Kanombe

Belinda Umurerwa wabatumiye ari kumwe na Aki

Nk'ibindi byamamare bahawe umurinzi