Iki gitaramo cyari nk’integuza y’icyitwa ‘Spinny&Friends Festival’ DJ Spinny yitegura gukorera i Kigali ku wa 8 Kanama 2026, icyakora na cyo cyitabiriwe ku rwego rwo hejuru.

Uretse kuba cyacuranzemo abahanga mu kuvanga imiziki bo muri Uganda, ni igitaramo cyari kiganjemo abashyitsi benshi bari i Kigali bitabiriye imikino ya BAL iri kuhabera.

Nyuma y’abavanga imiziki barimo DJ Melvyn, City Girl uri mu bakobwa bari kuzamuka neza mu muziki wa Uganda na we yafashe umwanya asusurutsa abakunzi be.

Uyu mukobwa yaje gukorerwa mu ngata na Etania unaherutse gutaramira muri BK Arena ubwo yasusurutsaga abitabiriye imikino ya BAL, na we atanga ibyishimo ku bari muri iki gitaramo bari bakoraniye muri ‘Atelier du vin’.

Etania yavuye ku rubyiniro aha umwanya DJ Spinny wavangaga imiziki afatanyije na DJ Dush maze si ugususurutsa abakunzi b’umuziki bari muri Atelier du vin karahava.

Uko bavangaga imiziki, niko MC Morgan na we waturutse muri Uganda yibutsaga abitabiriye iki gitaramo ko ku wa 8 Kanama 2026 bashonje bahishiwe muri ‘Spinny&Friends Fest’.

Mbere yo kwinjira buri wese wabishakaga yabanzaga gufata ifoto y'urwibutso

Abanyamujyi bari basohokeye muri iki gitaramo hakiri kare bagize umwanya wo gufata amafoto y'urwibutso

Nta foto nta cyabaye niko abubu babivuga...

Abahageze mbere babanje kwifatira imyanya myiza yo kwicaramo ngo baze kwidagadura nta nkomyi

DJ Melyvn uri mu bagezweho i Kampala ari mu babimburiye abandi ku rubyiniro

City Girl, umukobwa umaze kuzamura izina rye mu bijyanye no kuvanga imiziki muri Uganda yatanze ibyishimo muri iki gitaramo

City Girl yishimiwe bikomeye n'abitabiriye igitaramo yacuranzemo i Kigali

Kwifata byanze, Etania asanga ku rubyiniro City Girl amushimira uko yitwaye muri iki gitaramo

Etania na DJ Spinny ubwo bari bicaye ahabereye iki gitaramo bitegura gususurutsa abari bitabiriye

Ibyishimo byagaragaraga ku maso y'abitabiriye iki gitaramo

Jasinta Makwabe uri mu nkumi zizwi cyane ku mbuga nkoranyambaga, ni umwe mu bitabiriye iki gitaramo

Ubwitabire bwari hejuru muri iki gitaramo cyabereye kuri 'Atelier du vin'

Umwe mu nkumi zitabiriye iki gitaramo akata umuziki imbere y'uwamufataga amashusho

Etania nawe igihe cye cyageze ajya ku rubyiniro gutanga ibyishimo ku bakunzi be

DJ Spinny yajyanye ku rubyiniro na DJ Dash

DJ Spinny akomeje kwigarurira imitima y'abakunzi b'umuziki i Kigali

Umuziki wariwe muri Atelier du vin bishimira igitaramo DJ Spinny yari yahateguriye

Abakunzi b'umuziki bari bakoraniye kuri 'Atelier du vin' bishimiye umuziki wa DJ Spinny

DJ Spinny ategerejwe kongera gutaramira i Kigali ku wa 8 Kanama 2026

Amafoto: Fidel Nzayisingiza