Iki gikorwa cyabereye muri Leta ya Lagos. Abareberera inyungu z’uyu muhanzikazi batangaza ko abari bashatse kumushimuta bamaze gutabwa muri yombi bafungiye kuri Sitasiyo ya Polisi ya Alagbon iri mu gace ka Ikoyi.

Aba bajyanama be bemeza ko kugeza ubu Tiwa Savage n’umuryango we bamerewe neza kandi batekanye.

Umuvugizi wa Polisi, CSP Oluniyi Ogundeyi, yemeje aya makuru avuga ubu bamaze guta muri yombi abantu bane bakurikiranyweho iki cyaha.

Abanyamakuru batandukanye muri Nigeria bashyira mu majwi umushoferi mushya wa Tiwa Savage bavuga ko ariwe waba uri inyuma y’iki gitero.

Bivugwa ko yagiye atanga amakuru kuri bagenzi be bari bafatanyije umugambi wo gushimuta uyu muhanzikazi umaze imyaka 13 muri muzika.

Tiwa Savage yatangarije abakunzi be ko we n'umuryango we batekanye

Tiwa Savage yasubukuye ibikorwa yari afite bijyanye na muzika

Abakurikirana ibikorwa bya muzika bagira inama abahanzi kujya bita ku mutekano wabo n'ibintu byabo