Ibi bitaramo by’iminsi itatu byatangijwe n’abahanzi barimo Ruger, BNXN, Asake wanazanye umuraperi Central Cee ku rubyiniro baririmbana indirimbo bise “Wave”, Tyla, mu gihe ku rundi ruhande ahari urubyiniro rw’umuziki wa Amapiano hari Focalistic, Uncles Waffles , n’abandi.

Ku wa 27 Kanama abakunzi ba muzika bataramiwe n’abahanzi barimo Nick Minaj, Omah Lay, Flavour, n’abandi, mu gihe ku rubyiniro rw’umuziki wa Amapiano rwari ruyobowe n’abarimo Musa Keys, Kelvin Momo, n’abandi.

Kuri uyu wa 28 Kanama 2024 abakunzi b’umuziki wo muri Afurika barataramirwa n'abahanzi barimo , Rema, Diamond Platnumz , Dadju, Tayc, Seyi Vibez, Nihno n’abandi.

Abaraba bari ku rubyiniro rwateguriwe abakunda umuziki wa Amapiano bo barataramirwa na Tyler ICU, Young Stunna, Mellow & Sleazy, na Major League DJz.

Umwaka ushize ibi bitaramo byari byabereye muri Portugal byitabiriwe n'abagera mu ibihumbi 40 bavuye mu bihugu 140.

Umubyeyi wa Davido yeretswe ko umuhungu we azaririmbira Imana gusa

Davido yahishuye inzozi za se, Deji Adeleke wamubwiye ko yabonye iyerekwa rimubwira ko umuhungu we azareka gukora umuziki usanzwe, akihebera uwo kuramya no guhimbaza Imana.

Ati “Data yarambwiye ngo David nagize iyerekwa rimbwira ko uzarangiza urugendo rwawe mu muziki uri umuririmbyi w’indirimbo zo kuramya no guhimbaza Imana.”

Iri banga Davido yarivugiye mu bukwe bwe na Chioma ndetse benshi mu babwitabiriye basamiye hejuru iki cyifuzo bagaragaza ko bifuza ko cyashyirwa mu ngiro bati “Amen”

Indirimbo “People” ya Libianca yamwubakiye amateka mashya muri Afurika

Indirimbo “People” y’umuhanzikazi Libianca wo muri Cameroon yinjiye ku rutonde rw’indirimbo zo muri Afurika zacuranzwe inshuro nyinshi ku rubuga rwa YouTube.

Iyi ndirimbo imaze umwaka n’amezi atanu isohotse imaze gucurangwa inshuro zirenga miliyoni 300 kuri YouTube, biyishyira ku mwanya wa gatandatu mu ndirimo zo muri Afurika zacuranzwe cyane kuri YouTube.

“People” ije ikurikira indirimbo zirimo “Jerusalema” ya Master KG na Nomcebo Zikode iyoboye uru rutonde yacuranzwe inshuro zirenga miliyoni 539, ikurikiwe na “Magic in the Air” ya Magic System na Choki yacuranzwe inshuro zirenga miliyoni 405.

“Love Nwantiti Remix” ya CKay imaze gucurangwa inshuro zirenga miliyoni 346 million , “Calm Down” ya Rema imaze gucurangwa inshuro zirenga miliyoni 318 mu gihe "On the Low" ya Burna Boy imaze gucurangwa inshuro zirenga miliyoni 310 kuri YouTube.

Ushinjwa kugira uruhare mu rupfu rwa Tupac yasabye kurekurwa

Nyuma y'umwaka umwe atawe muri yombi, Duane “Keefe D” Davis ushinjwa kugira uruhare mu rupfu rw'umuraperi Tupac Shakur rwabaye mu 1996, yasabye urukiko kurekurwa atanze ingwate.

Icyifuzo cya “Keefe D” Davis cyateshejwe agaciro n’urukiko rw’i Nevada rwategetse ko akomeza kuburana afunze nyuma y’uko rusanze ibihumbi 750$ by’ingwate yari yemeye gutanga nta nkomoko yabyo y’ukuri iciye mu nzira zemewe n’amategeko.

Igitangazamakuru KTNV kivuga ko Cash “Wack 100” Jones ureberera inyungu z’abahanzi barimo The Game na Blueface yari yemeye guha “Keefe D” Davis ibihumbi 112 500$ avuga ko ari impano yamwihereye.

Icyakora urukiko ntirwamwizeye bitewe n’uko uyu mugabo yari aherutse kugaragara mu bitangazamakuru avuga ko azishyura “Keefe D” Davis bagakora filime y’uruherekane ivuga kuri we ndetse n’ibi birego byo kwica umuraperi Tupac Amaru Shakur.

Umukinnyi wa filime Bill Cobbs yitabye Imana ku myaka 90

Wilbert Francisco Cobbs wamamaye nka Bill Cobbs umukinnyi wa filime wakinnye mu zirimo 'The Bodyguard yo mu 1992 , 'Night at the Museum yo mu 2006, New Jack City yo mu 1991 , The Brother from Another Planet, yo mu 1984 n'izindi, yitabye Imana aguye mu mujyi wa Riverside, California.

Uyu musaza wari ufite imyaka 90 kugeza ubu ntiharamenyekana icyateje urupfu rwe gusa umuryango we uvuga ko umubiri we wari unaniwe kubera izabukuru atishwe n’uburwayi.

Bill Combs muri rusange yakinnye muri filime zirenga 200, mu 2004 yatsindiye igihembo cya Emmy Awards bitewe n’uruhare yagize muri filime Dino Dana.