Ni igitaramo cyari cyatumiwemo abanyarwenya babiri baturutse muri Uganda barimo Teacher Mpamire na Dr. Hilary Okello biyongeragaho Ambasaderi w’abakonsomateri na benshi mu bazamukiye muri ibi bitaramo bya Gen-Z Comedy.

Iki gitaramo cyari cyanatumiwemo Massamba Intore wagombaga kuganiriza urubyiruko rwagikoraniyemo.

Ubusanzwe iki gitaramo kibera mu ihema ryakira abantu babarirwa hagati ya 1500-2000 icyakora mu ijoro ryakeye hari hakubise huzuye ku buryo kubona aho umuntu atera agatebe byari ingorane zikomeye.

Mu kiganiro na IGIHE, Fally Merci yavuze ko ari ibintu bishimishije uburyo abantu bakomeje kugaragaza urukundo bakunda ibitaramo byo gusetsa bya ‘Gen-Z Comedy’ ahamya ko ibi ari byo bibatera imbaraga zo gukora cyane.

Ati “Biba ari ibintu bishimishije, buri wese ntekereza ko yakwishimira gutegura igitaramo nk’iki kikitabirwa kuri uru rwego. Ibi ni byo bidutera imbaraga zo gukora cyane ngo tutazabatenguha.”

Ku rundi ruhande, Fally Merci yavuze ko mu by’ukuri ubwitabire bw’iki gitaramo bwamushimishije, asaba abantu kujya bagura amatike kare mu rwego rwo kwirinda umuvundo ku muryango ndetse anabasaba kujya bahagerera igihe kuko uwatinze hari igihe ahura n’ikibazo cyo kubura aho yicara.

Ibitaramo bya Gen-Z Comedy biba kabiri mu kwezi, buri wa kane hirengejwe uwo igiherutse kiba cyarabereyeho.

Fally Merci yari yakiriye Massamba Intore nk'umuhanzi wagombaga kuganiriza urubyiruko rwitabiriye iki gitaramo

Massamba Intore yagize umwanya uhagije wo kuganira n'urubyiruko rwitabiriye Gen-Z Comedy

Gen-Z Comedy ni igitaramo gisigaye cyitabirwa n'abatari bake

Abanyamakuru Ruvuyanga na Christelle Isimbi ntibakunze gucikwa n'ibi bitaramo

Nyabitanga usanzwe akora ibijyanye no gutera urwenya ntakunze gucikwa na Gen-Z Comedy

Arifuza gutahana agafoto k'urwibutso

Ihema riberamo ibi bitaramo ryari ryakubise ryuzuye

Uretse kuganira Massamba Intore yasusurukije n'urubyiruko rwitabiriye Gen-Z Comedy

Banyujijemo bacinya n'akadiho

Si iby'abato gusa...

Muyoboke Alex ni umwe mu badakunze gucikwa n'ibi bitaramo

Umunyarwenya Dudu wazamukiye muri Gen-Z Comedy ni umwe mu basusurukije abitabiriye iki gitaramo

Kepa Nyirudushya uri mu banyarwenya bazamukiye muri Gen-Z Comedy ni umwe mu bishimiwe bikomeye

Muri iki gitaramo hicaye uwazindutse

Rumi na we wazamukiye muri Gen-Z Comedy ni umwe mu bari batekerejweho muri iki gitaramo

Biba bigoye kwicara muri iki gitaramo udaseka

Gen-Z Comedy yamaze kwigarurira imitima y'urubyiruko

Urwenya ruba muri Gen-Z Comedy rutuma nta wubasha guhisha amarangamutima ye

Upfa kuba witabiriye Gen-Z Comedy utahana akanyamuneza

Ibitaramo bya Gen-Z Comedy byabaye ahantu heza ho kuruhukira no gusohokera ku rubyiruko

Abanyamakuru Scovia Mutesi na Rugemana Babu bari mu bitabiriye iki gitaramo

Umunyamakuru wa RBA, Mugaragu David ni umwe mu bari bitabiriye iki gitaramo

Iki gitaramo cyari cyakubise cyuzuye

Cyusa Ibrahim yari yishimiye bikomeye iki gitaramo

Nyambo Jesca na Titi Brown ni bamwe mu badakunze gucikwa n'iki gitaramo

Umunyarwenya Muhinde yataramiye mu gitaramo cya Gen-Z Comedy

Yiyise Pilate akaba umwe mu bakunzwe cyane mu banyarwenya bazamukiye muri Gen-Z Comedy

Hari abakurikiye iki gitaramo bahagaze

Killaman utakoze muri iki gitaramo yari yitabiriye Gen-Z Comedy

Teacher Mpamire yabanje ku rubyiniro nk'umwarimu

Urwenya n'ibyishimo birajyana, muri Gen-Z Comedy abantu baba bishimye

Iyo wemeje abakunzi b'urwenya ntaho bagukinga bakwereka ko banyuzwe

Dr. Hilary Okello ni umwe mu banyarwenya bo muri Uganda bakunze kwiyambazwa muri Gen-Z Comedy

Teacher Mpamire mu isura ya Perezida Yoweli Kaguta Museveni

Benshi bishimira uburyo Teacher Mpamire yigana Perezida Museveni wa Uganda

Ibitaramo bya Gen-Z Comedy bitanga ibyishimo mu rubyiruko

Amafoto: Kasiro Claude