Tom Close na Tricia bamaranye imyaka igera kuri ine barushinze, ubu bafitanye abana babiri imfura y’umukobwa yitwa Ella n’uwo baherutse kubyara w’umuhungu witwa Elan. Tom Close n’umugore we basezeranye imbere y’Imana ku itariki 30 Ugushyingo 2013.

Kuri uyu wa 28 Ukwakira 2017, Tom Close yizihije isabukuru y’imyaka 31 amaze avutse. Mu kwifuriza umugabo we umunsi mwiza, Tricia yanditse kuri Instagram amagambo ‘agaragaza Tom Close nk’umuntu udasanzwe kandi umutera ishema muri byose.

Yagize ati “Isabukuru nziza mutima wakunzi wanjye Tom Close. Imana ishimwe cyane ku bwo kukurinda kandi ikomeze ikumpere indi myaka myinshi yo kubaho. Uragahorane ubwenge, ubuhanga n’igikundiro cy’Imana. Untera ishema mu mpande zose”.

Tom Close yahise yandika asubiza umugore we ko ‘yumva yishimye bidasanzwe kuba umugabo wa Trica ndetse ko aryohewe n’abana babyaranye’.

Yagize ati “Mfite ishema ry’ikirenga kwitwa umugabo wawe tukaba twaranabyaranye abana. Mfite ishimwe rikomeye ku Mana ku bw’ibihe byiza twasangiye […] Ndagukunda kandi wakoze ku byo wanyifurije”.

Tom Close na Tricia bamaranye imyaka ine barushinze

Ibyo Tricia na Tom Close bandikiranye byishimiwe na benshi ndetse mu bitekerezo birenga byashyizweho abantu bagaragaje ko “bishimira by’ikirenga imibanire ya Tom Close n’umugore we”. Aba bombi bashimiwe kwicisha bugufi, kubana na bose nta vangura ndetse ngo ababasura mu rugo bahora bifuza kuzahagaruka.

Tom Close yizihije isabukuru nyuma y’iminsi mike asohoye amashusho y’indirimbo ’Thank You’ yakoranye na The Ben.

Tom Close na Tricia bakunze kubwirana imitoma ku mbuga nkoranyambaga

Tom Close na Tricia ku munsi w'ubukwe bwabo

Tricia ni inshuti ikomeye ya Knowless umugore wa Clement

Tom Close na Tricia hamwe n'imfura yabo Ella

Tom Close n'umuhungu we Elan