Mu butumwa yanyujije ku rubuga rwa Instagram, Kayibanda yashimiye Imana yamuhaye umugabo avuga ko atandukanye n’abandi.

Yanditse agira ati “Umugisha wanjye, umuntu mwiza utandukanye n’abandi. Warakoze Mwami kubwo kunkunda cyane ukampa kubana n’umugabo utangaje.”

Kugeza ubu nta makuru arambuye arajya ahagaragara agaruka kuri uyu mukunzi mushya wa Miss Kayibanda Aurore.

Aurore Kayibanda yambitswe impeta n’umukunzi we mushya nyuma y’imyaka hafi ibiri atandukanye na Mbabazi Egide wari wamwambitse iya mbere mu 2018 bakanakora ubukwe nyuma yaho.

Mu 2021, uyu mukobwa yifashishije imbuga nkoranyambaga ni bwo yatangaje ko yatandukanye na Mbabazi ndetse ahishura ko agiye kwandika igitabo ku buzima bw’urukundo yanyuzemo, icyakora ibyo yaje kubireka.

Tariki 18 Mutarama 2023 nibwo Aurore yatangaje ko yambitswe impeta y'urukundo

Miss Kayibanda Aurore anejejwe n'ibihe by'urukundo akomeje kugirana n'umukunzi we mushya

Miss Aurore Kayibanda yashimiye Imana yamuhaye umugabo avuga ko atandukanye n'abandi bose