Bamwe mu bagize iyi korali bari bageze muri BK Arena ku nshuro ya mbere, bahawe umwanya wo kuzenguruka iyi nyubako basobanurirwa uburyo ikora ndetse berekwa ibice bitandukanye biyigize.

Bahawe ibisobanuro birambuye kuri serivisi zitangirwa muri BK Arena, haba ku minsi y’ibitaramo no mu bindi bikorwa, banerekwa uko abazitabira igitaramo cyabo bazakirwa.

Iki gitaramo kizaba ari umwihariko kuko kizizihirizwamo imyaka 30 iyi korali imaze ikora umurimo w’ivugabutumwa binyuze mu ndirimbo.

Byitezwe ko ku wa 30 Kanama 2026, Ambassadors of Christ Choir izasusurutsa abakunzi bayo ibaririmbira zimwe mu ndirimbo zayo zakunzwe mu bihe bitandukanye.

Ni igitaramo kandi iyi korali igiye gukora nyuma y’urugendo imazemo iminsi hirya no hino mu gihugu, rugamije kurwanya ibiyobyabwenge mu rubyiruko no kurushishikariza kubaho ubuzima bufite intego.

Ambassadors of Christ Choir ikorera mu Itorero ry’Abadivantisiti b’Umunsi wa Karindwi, i Remera, yatangijwe n’abaririmbyi batanu mu 1995. Imaze kugira abaririmbyi bagera kuri 200.

Yamamaye binyuze mu ndirimbo z’ivugabutumwa n’isanamitima zirimo Imirindi y’Uwiteka, Iwacu Heza, Solange, Hoziana, Ni we Yesu, Wasi We n’izindi zakunzwe n’abatari bake.

Wagura itike yawe unyuze hano

Abaririmbyi ba ‘Ambassadors of Christ Choir’ bitabiriye urugendo rwo gusura BK Arena

Bakigera muri BK Arena babanje kuhafatira amafoto y'urwibutso

Ibyishimo byari byose ku baririmbyi ba ‘Ambassadors of Christ Choir’

Ibyishimo ku baririmbyi ba ‘Ambassadors of Christ Choir’ basuye BK Arena

Sarah Sanyu uri mu bafite izina rikomeye mu muziki wa Gospel ategerejwe mu gitaramo cya ‘Ambassadors of Christ Choir’ yamamariyemo

Bateze amatwi uwabayoboye mu rugendo rwo gusura BK Arena

Inguni zose za BK Arena bazitembereye

Hari aho bageraga bagafata ifoto y'urwibutso

Basoje urugendo rwabo bafatira ifoto y'urwibutso kuri BK Arena

Amafoto: Nzayisenga Fidel