Ibi birori bikubiyemo n’ibihembo byiswe ‘Rubavu Music Awards & Talent Detection’ byabaga ku nshuro yabyo ya kabiri. Byatangiwe mu nyubako yitwa ‘Kivu Intare Arena’.

Ni ibirori byabaye mu ijoro ryo ku wa 13 Kamena 2026 byitabirwa n’abantu banyuranye barimo na Minisitiri w’Urubyiruko n’Iterambere ry’ubuhanzi, Dr. Utumatwishima Jean Nepo Abdallah.

Uretse Bruce Melodie, abandi begukanye ibihembo barimo Josskid wegukanye icya ‘Best Male Artist’, Fica wegukanye icya ‘Best R&B Artist’. Kanyota we yegukanye icya ‘Best Female Artist’.

Itsinda ry’abavandimwe ‘Alicia &Germaine’ ryegukanye igihembo cya ‘Best Gospel Artist’, Big Deal yegukana icya ‘Best director’, Phill Pauz yegukanye icya ‘Best Hip Hop Artist’, mu gihe Rugamba Logan yegukanye icya ‘Best Boost Artist’.

Indirimbo ikunzwe i Rubavu yatowe ni ‘Cebo ya T Blaise na Kanyota, Producer w’umwaka we aba Bertz Beat. Umuhanga mu kuvanga imiziki w’umwaka yabaye Selekta Dady, naho indirimbo ifite amashusho meza iba Ibendera y’itsinda rya Alicia& Germaine.

Bruce Melodie we yegukanye igihembo cy’umuhanzi ukunzwe cyane mu Karere ka Rubavu.

Fred Ruterana yereka Igor Mabano na Prince Kiiiz aho bicara

Prince Kiiiz yasuhuje ab'i Rubavu bishimiye kongera ku mwakira cyane ko ari umwe mu bize umuziki ishuri ry'u Rwanda rikiba ku Nyundo

Igor Mabano wize mu ishuri ry'u Rwanda ry'umuziki rikiba ku Nyundo nawe yari yitabiriye iki gitaramo

Minisitiri w'Urubyiruko n'iterambere ry'ubuhanzi,Dr. Utumatwishima ni umwe mu bari bitabiriye ibi birori