Mu bahanzi bahataniye ibihembo bya BET Awards 2023, Burna Boy w’imyaka 31 ahataniyemo ibihembo bine birimo, Best Male R&B/Pop Artist, Video Director of the Year, Viewer’s Choice na Best International Act.

Ni umubare ahuje n’abandi bahanzi barimo Beyoncé, Chris Brown, Ice Spice na SZA.

Tems ni we ukurikira Burna Boy mu bahanzi bo muri Afurika bahataniye ibihembo byinshi muri BET Awards 2023.

Uyu muhanzikazi w’imyaka 27 uherutse kwegukana Grammy 2023 ahataniye ibihembo bitatu birimo, Best Female R&B/Pop Artiste, Best Collaboration, na Viewer’s Choice categories.

Abandi bahanzi bakorera umuziki muri Afurika bahataniye BET Awards 2023 barimo barimo, Wizkid, Asake, Ayra Star, Libianca , Asake, Camidoh, Pabi Cooper, Uncle Waffles na K.O bahataniye igihembo kimwe.

Asake (Nigeria), Camidoh (Ghana), Libianca (Cameroon), Pabi Cooper (Afurika y’Epfo) bari mu cyiciro cya ‘Viewer’s Choice: Best New International Act’.

Uncle Waffles umu-DJ wavukiye Swaziland (Eswatini), Ayra Starr (Nigeria), Aya Nakamura (Mali/France), Burna Boy (Nigeria) , K.O (Afurika y’Epfo) bahuriye mu cyiciro cya ‘Best International Act’.

Umuziki wa Amapiano urahagarariwe muri BET Awards 2023

Uncle Waffles umu-DJ umenyerewe mu muziki wa Amapiano , nyuma yo gucuranga mu birori by’iserukiramuco rya Coachella 2023 yinjiye mu bahanira ibi bihembo.

Abandi banyamuziki bihebeye amapiano bahataniye ibi bihembo bya BET Awards 2023 barimo Asake wo muri Nigeria na Pabi Cooper wo muri Afurika y’Epfo.

Abahanzi bahataniye ibihembo byinshi uyu mwaka bayobowe na Drake uhataniye ibihembo birindwi.

GloRilla yakoze agashya bwa mbere ahataniye BET Awards yinjiye ahatanira ibihembo bitandatu birimo, ‘Best Collaboration’ afitemo indirimbo ebyiri.

Uyu muraperikazi umwaka ushize yegukanye igihembo cya ‘Best Breakthrough Hip Hop Artist muri BET Hip Hop Awards.

21 Savage na Lizzo bari mu byiciro bitanu muri ibi bihembo bizatangwa tariki 23 Kamena 2023.

Filime zirimo ‘Black Panther: Wakanda Forever’, ‘Creed 3’, ‘Emancipation’, ‘Nope’, ‘The Woman King’, ‘Till’ na ‘Whitney Houston: I Wanna Dance With Somebody’ zihataniye igihembo cya ‘Best Movie’.

Burna Boy niwe muhanzi wo muri Afurika uhataniye ibihembo byinshi bya BET Awards mu mwaka umwe

Camidoh uheruka gutaramira i Kigali mu 2022 nawe ni ubwa mbere ahataniye BET Awards

Drake niwe uyoboye abahanzi bahataniye ibihembo bya BET Awards 2023

Ayra Star bwa mbere yinjiye mu bahatanira ibihembo bya BET Awards

GloRilla yakoze agashya bwa mbere ahataniye BET Awards yinjiye ahatanira ibihembo bitandatu

Libianca yinjiye mu bahatanira ibihembo bya BET Awards nyuma yo gukora indirimbo 'People' igakundwa cyane hirya no hino ku Isi

Pabi Cooper ni umwe mubanyamuziki bagezweho muri Afurika y'Epfo binyuze mu muziki wa Amapiano

Tems ahataniye ibihembo bitatu muri BET Awards 2023

Uncle Waffles umu-DJ wavukiye Swaziland (Eswatini) nyuma yo gucuranga muri Coachella Music Festival 2023 byamuhesheje amahirwe yo guhatanira ibihembo bya BET Awards 2023

Uyu mwaka Wizkid ahataniye igihembo kimwe muri BET Awards akesha indirimbo “Call Me Every Day” yakoranye na Chris Brown ihataniye icyiciro cya ‘Best Collaboration’