Davido wataramiye i Kigali ku mugoroba wa tariki 19 Kanama 2023 yahise afata urugendo rwihuse yerekeza mu Mujyi wa Detroit muri Leta Zunze Ubumwe za Amerika dore ko yari asigaranye amasaha make ngo abe yagezeyo.

Iri serukiramuco ryibanda ku njyana ya Afrobeats ryashinzwe na Asika na Smade, ku bufatanye na BBC 1 Xtra mu 2013 rihuza abahanzi bo muri Afurika n’abo hanze yayo.

Ku munsi w’ejo tariki 19 Kanama 203 abaryitabiriye basusurukijwe na Burna Boy, Mr Flavour, Diamond Platnumz, Victony, Latto, DJ Maphorisa, DejLoaf, Nissi, Ari Lennox, Musa Keys n’abandi.

Kuri uyu munsi, tariki 20 Kanama 2023, Davido ukubutse i Kigali, ni we muhanzi mukuru uza kuyobora abandi aho biteganyijweko aserukana na P Square, Coi Leray, Teni, Stonebwoy, Masego, Franglish na Ebony Riley.

Ku rubyiniro rwa kabiri rwahariwe injyana ya Amapiano, ruzahuriraho Major League DJs na bo baherutse i Kigali mu 2022, Liabanca, Ade Smillez n’abandi batandukanye.

Ibi bitaramo byari byatumiwemo Tayc, Kizz Daniel, Naira Marley, Dadju na Focalistic ariko ntibabashije kubonekera igihe basimbuzwa Teni, Dej Loaf, Flavour na Franglish.

Afro Nation iba igizwe n'ibitaramo bitandukanye bigamije kwamamaza ubwoko butandukanye bw'umuziki ukorerwa muri Afurika

Burna Boy niwe wasoje igitaramo cya mbere cy'iri Serukiramuco rya Afro Nation

Burna Boy ni we wari umuhanzi mukuru ku munsi wa mbere wa Afro Nation

Burna Boy yari yizihiwe cyane muri iki gitaramo

Diamond Platnumz aserukana n'ababyinnyi be igihe cyose

Ibitaramo bya Afro Nation bitangira saa Munani z'amanywa

Diamond yageze ku rubyiniro rwa Afro Nation nyuma y'iminsi itandatu ataramiye i Kigali

Mr Flavour ni uku yaserutse ku rubyiniro

Victony ni umwe mu basore bashya bagezweho mu muziki wa Nigeria na Afurika