Aka kabyiniro kari kakiriye ibirori byiswe ’Amapiano To The World’ byacuranzemo; Dj Marnaud , Major League Djs na Dj Toxxky bose bakaba bahurije ku gususurutsa abanya-Kigali bari bitabiriye ari benshi.

Uretse abafana bitabiriye ibi birori ku bwinshi, byanagaragayemo abantu b’ibyamamare nka; Miss Ingabire Grace, Kenny Sol, Itsinda rya Juda Muzik, Dj Infinity, Jack B n’abandi benshi.

Ibi birori byatangijwe na Dj Shooter, uyu wahawe urubyiniro mu ma saa yine z’ijoro, yamaze hafi isaha n’igice acuranga umuziki wiganjemo uw’abahanzi bo muri Afurika akurikirwa na Dj Toxxyk.

DJ Toxxyk wishimiwe cyane yamaze isaha n’igice acuranga nyinshi mu ndirimbo yavangagamo inyamahanga ndetse n’izo mu Rwanda.

Uyu musore akiva ku rubyiniro yafatanyagamo na Lucky Nzeyimana wamufashaga gushyushya abantu, itsinda rya Major League Djs ryahise rifata urubyiniro bugwate batangira gushyushya abakunzi b’umuziki bari bitabiriye ibi birori ku bwinshi.

Aba basore b’impanga batangiye gucuranga ku isaha ya saa tanu n’iminota 41, basoza ahagana saa saba mbere yo gusigira urubyiniro DJ Marnaud.

Ibi birori byasojwe na DJ Marnaud wacuranze anavuza ingoma za Kinyarwanda n’iza kizungu nk’umwihariko we utuma yishimirwa na benshi.

Umurishyo wa nyuma w’ibi birori wavugijwe ahagana saa cyenda n’igice z’igicuku n’ubwo bamwe bari batangiye gutaha ariko bose wabonaga banyuzwe n’umuziki bacurangiwe.

DJ Toxxyk ni umwe mu bafite igikundiro mu muziki w'u Rwanda

DJ Toxxyk yishimiwe bikomeye

Major League DJs banyuze abatari bake bitabiriye ibirori bakoreye i Kigali

BK Arena yari yahinduwe akabyiniro kitabiriwe n'abakunzi b'umuziki batari bake

Impanga zigize Major League DJs zasusurukije abanya-Kigali

Baba bacuranga banabyina

BK Arena yari yatatswe nk'akabyiniro

Byari ibishimo ku bakunzi b'umuziki kubona Major League DJs ku rubyiniro

Major League DJs babyinishije abantu karahava

Major League DJs bishimiye gucurangira abanya Kigali

Ubishoboye yatahanye ifoto y'urwibutso

Dj Marnaud yishimiwe cyane

Dj Marnaud yishimiwe cyane muri ibi birori

DJ Marnaud yishimiwe cyane muri ibi birori yacuranze zimwe mu ndirimbo yakoranye n'abahanzi batandukanye

Dj Marnaud yanyuzamo akaganiriza abo acurangira

Dj Marnaud yanyuzagamo akanabyina

DJ Marnaud yanyuze abakunzi b'umuziki bari bitabiriye iki gitaramo

Amafoto: Shumbusho Djasiri