Ikinyamakuru People cyatangaje ko Cardi B w’imyaka 31 yagaragaje ko yishimiye amakuru yahakanaga ibyo gusubirana kwe n’Umuraperi Offset.

Nyuma yo kugirana ibihe byiza n’abana babo ku munsi wa Noheli, tariki ya 25 Ukuboza 2023, amafoto y’aba bombi yasakajwe ku mbuga Nkoranyambaga, benshi bavuga ko basubiranye nyuma y’iminsi 12 baciye ukubiri.

Nyuma y’uko Thee Pop Feed itangaje ibinyujije kuri X [yahoze yitwa Twitter] ko aba bombi basubiranye, Umuhanga mu gukoresha imbuga nkoranyambaga [blogger] Ken Barbie yifashishije ishusho rito ‘meme’ ryerekana Umuhanzi Kandi Burruss mu Kiganiro “Love and Hip Hop: Atlanta”, asa n’uhakana ko ibyatangajwe ari byo. Yagize ati “Mwahimbye inkuru.’’

Cardi B yahise ayisamira mu kirere arayikunda [Like], ashimangira ko amakuru yavugwaga ko basubiranye atari yo.

Cardi na Offset batandukanye mu ntangiriro z’uku kwezi k’Ukuboza 2023, uyu mugore ashinja umugabo we kumuca inyuma.

Cardi B yanyomoje amakuru yo gusubirana na Offset

Belcalis Marlenis Almánzar Cephus ukoresha amazina ya Cardi B mu muziki yatandukanye na Offset kubera kumuca inyuma

Cardi B na Offset bagiranye ibihe byiza bya Noheli bari kumwe n'abana babo

Aba bombi bashyingiranywe mu 2017, batandukanye bafitanye abana babiri