Mu butumwa uyu muhanzi yashyize ku rubuga rwa Instagram, yanditse agira ati “Uyu ni umwaka ni igihe gikwiye cyo kongeraho undi mwana. Amen Inshallah.”

Kugeza ubu ntiharamenyakana umukunzi mushya wa Diamond Platnumz baba bagiye kubyarana nubwo benshi bakeka umuhanzikazi Zuchu abereye umuyobozi muri sosiyete ifasha abahanzi ya WCB Wasafi.

Diamond Platnumz w’imyaka 33 yaherukaga kwibaruka umwana muri 2019 wiswe Naseeb Junior yabyaranye na Tanasha Donna Oketch akaba umunyamideli n’umuhanzikazi wo muri Kenya.

Abagore babyaranye na Diamond bazwi barimo Hamisa Mobetto, Tanasha Donna ,Zari Hassan (bafitanye abana babiri), undi wiyongera kuri aba ni umugore utuye i Mwanza muri Tanzania.

Diamond ntiyigeze ashaka gutangaza imyirondoro y’uyu mugore mu rwego rwo kwirinda kumusenyera kuko babyaranye asanzwe afite undi mugabo.

Diamond muri iyi minsi yishimiwe n’abafana be biturutse ku ndirimbo ebyiri aherutse gushyira hanze bavuga ko yagarutse ku mwimerere we w’indirimbo zatumye amenyekana mu ntangiro z’umuziki we nka ‘Nitarejea, Kamwambie , Mbagara, n’izindi.

Diamond Platinumz yatangaje ko yiteguye kwakira undi mwana muri uyu mwaka 2023

Muri Tanzania hakomeje kwibazwa uwaba agiye kubyarana na Diamond dore ko iby’umubano we na Zuchu bitarasobanuka neza

Ubutumwa bwa Diamond yanditse ateguza abakunzi be umwana we wa gatandatu