Ni ubutumwa uyu muhanzi atangaje nyuma yo gususurutsa urubyiruko rurenga 2000 rwitabiriye umuhango wo kwizihiza Umunsi Mpuzamahanga w’urubyiruko muri BK Arena.

Nyuma y’iki gikorwa cyabaye kuri uyu wa Gatandatu tariki 12 Kanama, Diamond yahise afata indege imwerekeza i Mwanza aho agiye gutangiza ibikorwa bya Wasafi Festival 2023.

Diamond wageze i Kigali ku mugoroba wa tariki 11 Kanama 2023 yamaze impungenge abakunzi be bamutegereje mu gitaramo afite kuri iki cyumweru tariki 13 Kanama 2023 ababwira ko ahita agaruka.

Yanditse agira ati “Ndangije gahunda ya Giants Of Africa mu muhango wo kwizihiza Umunsi Mpuzamahanga w’urubyiruko; ubu ndi mu nzira nerekeza i Mwanza mu bikorwa bya Wasafi Festival 2023 byo kumurika abahanzi bazitabira iri serukiramuco.”

“Ndagaruka ejo gukora ibitangaza muri BK Arena mu Iserukiramuco rya Giants Of Africa.”

Diamond Platnumz ategerejwe na benshi mu gitaramo kuri iki cyumweru azahuriramo n’abarimo Massamba Intore na Sherrie Silver kikaba kimwe mu bizatangiza iri serukiramuco rigiye kumara icyumweru ribera mu Rwanda.

View this post on Instagram

A post shared by SIMBA..!🦁 (@diamondplatnumz)

Diamond yamaze impungenge abakunzi be ko agiye kwikoza i Mwanza agahita agaruka i Kigali

Diamond Platnumz yishimiye guhura n'urubyiruko rwitabiriye umuhango wo kwizihiza Umunsi Mpuzamahanga w’urubyiruko muri BK Arena

Diamond ni ubwa mbere aririmbiye muri BK Arena

Diamond asubiye Tanzania gutangiza ibikorwa bya Wasafi Festival kuri uyu wa Gatandatu

Benshi bamusanze ku rubyiniro

Mbere y'uko akora igitaramo nyamukuru cyamuzanye i Kigali Diamond yabanje guhura n'urubyiruko rusaga 2000