Diamond Platnumz wakabije inzozi ze zo gutaramira muri BK Arena yanyuze imitima y’abakunzi b’umuziki we batashye bibaza aho bakomereza ibirori nyuma yo kubona ko igitaramo kirangiye hakiri kare cyane.
Iki gitaramo cyabaye ku mugoroba wo kuri iki Cyumweru, tariki 13 Kanama 2023, ubwo hatangizwaga Iserukiramuco "Giants of Africa" riri kubera mu Rwanda.
Ubusanzwe ibitaramo byinshi bibera i Kigali bizwiho ko biryoha cyane iyo bigeze mu masaha akuze nka saa Yine z’ijoro ndetse rimwe na rimwe bikambukiranya umunsi.
Mu gitaramo gitangiza Iserukiramuco Giants Of Africa si uko byari bimeze dore ko Diamond Platnumz wari utegerejwe na benshi yinjiye ku rubyiniro saa Kumi n'Ebyiri z’umugoroba.
Ni igitaramo cyarangiye saa Moya n’Igice, isaha benshi bamenyereye ko ari bwo abahanzi baba batangiye kwinjira ahabera ibitaramo.
Mu mihanda iva BK Arena benshi bagendaga babwira bagenzi babo aho bakomereza ibirori nyuma yo kubona ko batasubira mu rugo ku masaha bita ko ari aya kare cyane ubundi yageraga aribwo bakihava bajya ahantu hatandukanye hataramiye abahanzi bakunda.
Bamwe batangiye guhamagara kuri telefone inshuti zabo zitaje muri iki gitaramo bazibaza niba aho bari bashobora kubiyungaho.
Birumvikana nta handi bari ukujya uretse ahari gucurangirwa umuziki hari n’icyo kunywa hafi aho.
Nubwo igitaramo cyarangiye ku masaha atari amenyerewe mu bibera i Kigali, abacyitabiriye batashye banyuzwe.
Diamond yashimiye abakunzi b'umuziki we bagiye kumushyigikira
Intero yari “Simba We Wanna Party”
Abakunzi b’umuziki wa Diamond Platnumz bamugaragarije urukundo ku buryo buri nyuma y’indirimbo imwe bahitaga batera bakaririmba bati “Simba We Wanna Party” buri kanya.
Iyi ni interuro yavuye mu ndirimbo “Iyo” uyu muhanzi yahuriyemo na Focalistic, Mapara A Jazz na Ntosh Gazi bakoze mu 2021.
Diamond Platnumz wabwiye Abanya-Kigali ko yari abakumbuye cyane yageze ku ndirimbo “Why” yakoranye na The Ben abayikunze bazamukira hejuru baririmbana na we biratinda.
Mu isaha n’igice yamaze ku rubyiniro uyu muhanzi yabyinishije benshi binyuze mu ndirimbo zitandukanye kuva kuri “Jeje” kugeza kuri “Enjoy” yahuriyemo na Juma Jux baherutse gushyira hanze.
Ni igitaramo cyakurikiye ibirori bitangiza Iserukiramuco Giants Of Africa byitabiriwe na Perezida Paul Kagame wari uherekejwe n'umuryango we; Masai Ujiri washinze Umuryango Giants of Africa akaba n'Umuyobozi wa Toronto Raptors ikina muri Shampiyona ya Basketball muri Amerika [NBA]; Minisitiri wa Siporo, Munyangaju Aurore Mimosa; Umuyobozi wa BAL, Amadou Gallo Fall n'abandi.
Ni ibirori byasusurukijwe na Massamba Intore na Sherrie Silver bahuje imbaraga mu mbyino zitandukanye zo muri Afurika.
Mu birori binogeye ijisho aba bataramyi banyuze benshi binyuze mu buryo bahuza imbyino Nyafurika n’umuziki ugezweho.
Massamba na Sherrie Silver bataramiye imbere ya Perezida Kagame
Diamond aciye impaka|| Aririmbye indirimbo ye na The Ben|| BK Arena byabarenze
Diamond yakabije inzozi ataramira muri BK Arena|| Byari ibyishimo ku mbaga yitabiriye igitaramo
Ibirori bitangiza Iserukiramuco Giants of Africa byahuruje abato n'abakuruImyambarire igezweho ni kimwe mu biranga ibitaramo bitandukanyeAbakunzi ba Diamond Platnumz bari bakoze ku myenda ibafasha kubyina birekuyeBitewe n'uko iki gitaramo cyari cyitezweho kurangira kare abato bahawe rugari baserukana n'abantu bakuruIri serukiramuco ryahujwe no kwizihiza isabukuru y'imyaka 20 Giants of Africa imaze itangijweAbanyarwanda ni uku baserutse muri ibi biroriMasai Ujiri watangije Umuryango Giants Od Africa yahaye impano Perezida KagameMasai Ujiri yashimiye Perzida Kagame, avuga ko ari umuyobozi w'icyitegererezo muri Afurika no hanze yayoPerezida Kagame yakira impano yahawe na Masai UjiriMassamba Intore yaserukanye ibendera ry'Igihugu ataramira abitabiriye ibirori bitangiza Iserukiramuco Giants Of Africa riri kubera i KigaliSherrie Silver yahuje imbyino zitandukanye zo muri AfurikaSherrie Silver yanyuze abitabiriye ibi birori binyuze mu mbyino zitandukanye zo muri AfurikaUrubyiruko rwaturutse muri Kenya ni uku rwaserutseUrubyiruko rwaturutse muri Mali ni uko rwaserutseUrubyiruko rwaturutse muri Repubulika Iharanira Demokarasi ya Congo rwanyuze benshiUrubyiruko rwaturutse Nigeria rwatunguye benshi binyuze mu mbyino rwinjiranye muri ibi biroriAbakunzi ba Diamond nubwo bavuye muri BK Arena ku masaha batamenyereye, batashye banyuzweAmashusho nk'aya amenyerewe mu bitaramo byambukiranyije umunsiBwari ubwa mbere Diamond Platnumz ataramiye muri BK Arena yasuye mu 2019Byakugora kwemera ko aha hari saa Kumi n'Ebyiri z'umugorobaDiamond ni umwe mu bahanzi banyura benshi kubera imbyino zitandukanyeDiamond Platnumz ni ubwa mbere yari ataramiye muri BK ArenaDiamond Platnumz yongeye gutanga icyifuzo cy'uko inyubako nk'iya BK Arena yakubakwa muri TanzaniaDiamond Platnumz ni uku yaserutse yambayeDiamond Platnumz yakabije inzozi ze ko gutaramira muri BK ArenaDiamond yaherukaga gutaramira i Kigali mu 2019Diamond yahawe impano na Masai UjiriDiamond yakoresheje imbaraga nyinshi muri iki gitaramoDiamond yanejejwe no gutaramira imbere y'umuryango wa Perezida Kagame n'abazukuru beIbi birori byanyuze benshi babashije kugera muri BK ArenaIbyishimo byari byose ku bato n'abakuru bari muri iki gitaramoMbere y'uko Diamond Platnumz agera ku rubyiniro habanje umuziki wacuranzwe na DJ PyfoMu isaha n'iminota 13 byari bihagije ngo Diamond amare ipfa abakunzi b'umuziki wePerezida Kagame yinjiye muri iki gitaramo Diamond ari kuririmba 'Nana', indirimbo yakoranye na Mr FlavourPerezida Kagame yinjiye muri iki gitaramo mu buryo butunguranye, aramutsa abakunzi b'umuziki bari bataramiwe na Diamond PlatnumzUyu munyamuziki yanyuzagamo akabyina mu mbyino zanyuze benshi mu Banya-KigaliUbwo Diamond yari agiye kuririmba indirimbo 'Why' yakoranye na The Ben yasabye abayikunze gucana amatoroshiSimba we Wanna Party, imvugo abakunzi b'umuziki babwiraga Diamond mu kumwereka ko bagikeneye gutaramana na we
Ibitekerezo 0