Mu ijoro ryo ku wa 27 Kamenza 2026 muri Mundi Center habereye igitaramo gitegurwa na DJ Lamper ari na we uba ari umushyitsi w’umunsi.

Yari yatumiye abahanga mu kuvanga imiziki barimo DJ Infinity, Selekta Faba, DJ Rusam&TLex n’abandi banyuranye.

Hari hanatumiwe Diez Dolla wataramiye abantu abaririmbira indirimbo ze nka ‘Extra Stamina’ igezweho muri iyi minsi, ‘Repete’, ‘Zangalewa’, ‘Ratata’ n’izindi zinyuranye zatumye uyu muhanzi ava ku rubyiniro ubona abafana badashize ipfa.

Benshi mu bavanga imiziki bari batumiwe muri iki gitaramo, wasangaga bibanda cyane ku gucuranga nyinshi mu ndirimbo zigezweho muri iyi minsi nubwo hataburaga ushyiramo izakunzwe mu myaka yo hambere.

Uretse gususurutsa abitabira ibi bitaramo, Eric Lamperti uzwi nka DJ Lamper aherutse kubwira IGIHE ko yatangije umuryango ‘Atmosfera Foundation’ ugamije gufasha abatishoboye aho ku mafaranga binjije hari avanwamo akagenerwa ibyo bikorwa by’ubugiraneza.

Kuva yatangira uyu muryango ni igitaramo cya kabiri akoze, aho byitezwe ko mu minsi iri imbere azakusanya amafaranga ari kubivamo akayafashisha abatishoboye.

DJ Infinity ni umwe mu bashimishije abitabiriye iki gitaramo

DJ Rusam asigaye acurangana n'umugabo we TLex

Iki gitaramo cyitabiriwe n'abatari bake

DJ Lamper ni umwe mu bishimiwe bikomeye muri iki gitaramo

DJ Lamper niwe watangije ibi bitaramo bya Atmosfera

Si Abanyarwanda gusa bakunda ibi bitaramo kuko n'abanyamahanga babyisangamo

Abanya Cape Vert batewe ishema n'ikipe y'Igihugu cyabo ikomeje kwitwara neza mu gikombe cy'Isi

Ku mafaranga yinjiza muri iki gitaramo, hari ayo ashyirwa muri 'Atmosfera Foundation' yifuza ko izajya ifasha abatishoboye

Uyu we yari yitwaje ifirimbi yo kumufasha kwizihirwa

Diez Dola yishimiwe cyane muri iki gitaramo

Diez Dola ni umwe mu bakiri bato mu muziki ariko bahagaze bwuma mu mitima y'abafana

Diez Dola yavuye ku rubyiniro abafana batabishaka

DJ Lamper yashimiye Diez Dola wamufashije gutanga ibyishimo muri iki gitaramo

Nyuma ya Diez Dola DJ Lamper yakomeje gutanga ibyishimo kubari bitabiriye iki gitaramo

Selekta Faba ni umwe mu bitwaye neza muri iki gitaramo