Ni igitaramo cyabereye ahitwa ‘Atelier du vin’ mu ijoro ryo ku wa 23 Gicurasi 2026, aho uretse DJ Lamper cyanitabiriwe n’abahanga mu kuvanga imiziki banyuranye hano mu Rwanda.

Ni igitaramo cyitabiriwe n’abanyamujyi banyuranye, icyakora byoroheraga buri wese wacyitabiriye guhita abona ko kirimo abashyitsi benshi bari i Kigali.

Ibi binajyanye n’uko iki gitaramo cyari cyahawe inyito yo guha ikaze abashyitsi bitabiriye imikino ya BAL iri kubera i Kigali.

Abahanga mu kuvanga imiziki bari batumiwe muri iki gitaramo barimo Inkel, DJ Benda n’abandi banyuranye barimo na DJ Lamper.

Nk’uko DJ Lamper aherutse kubitangariza IGIHE, amafaranga ava muri ibi bitaramo azajya avanwamo make ashyirwe muri ‘Atmosfera Foundation’ mu rwego rwo gufasha abatishoboye.

Ibi DJ Lamper yabigarutseho mu kiganiro yagiranye na IGIHE. Ati “Maze igihe ntegura ibitaramo Abanyarwanda bakanyitaba, nanjye ndumva nshaka kubitura mfasha abatishoboye mu mafaranga nzajya mba nacuruje mu matike.”

Atmosfera ni ibitaramo ngarukakwezi bitegurwa na DJ Lamper. Mu minsi ishize uyu musoze yizihije umwaka wari ushize atangiye kubitegurira mu Mujyi wa Kigali.

Urubyiniro rwa Atmosfera ni uku rwari ruteguye

Ni igitaramo cyari cyiganjemo abashyitsi basuye u Rwanda rwakiriye imikino ya BAL

Ubwitabire bwari hejuru mu gitaramo 'Atmosfera'

Inkel ni umwe mu bahanga mu kuvanga imiziki bari kuzamuka neza mu Rwanda

DJ Benda wamamaye mu kubyina, amaze kuzamura izina rye mu byo kuvanga imiziki

DJ Benda aba avanga imiziki anafite ababyinnyi bamufasha gususurutsa abakunzi b'umuziki

DJ Lamper yitabiriye iki gitaramo afite babyinnyi bafite imipira ya Basketball, n'abakobwa bambaye nk'ababyinnyi basusurutsa abitabiriye iyi mikino

Umwaka urarenze, DJ Lamper atangije ibitaramo 'Atmosfera' biri mu bikomeye mu Rwanda

Amafaranga avuye muri ibi bitaramo, akurwamo make ajyanwa muri 'Atsmosfera Foundation' ifasha abatishoboye

Amafoto: Kwizera Remy Moses