Bruce Intore umwe mu bategura ibitaramo mu Rwanda akaba n’umwe mu bafatanya bya hafi na Dj Marnaud, abinyujije ku rukuta rwe rwa Twitter yagize ati ”Kuki umu dj yafungwa azira ikosa ry’aho akorera ba nyiri akabari batabibazwa?”.

Yibazaga impamvu uyu musore yafunzwe ariko abo akorera ntibagire icyo babazwa. Mu gitondo cyo kuri uyu wa Kane ariko Dj Marnaud yaje kurekurwa.

Amakuru y’itabwa muri yombi ry’uyu musore w’icyamamare mu Rwanda mu kuvanga imiziki, yahamijwe n’umwe mu bo bakorana wemeje ko yafashwe ku mugoroba wo kuri uyu wa Gatatu.

Yagize ati ”Nibyo bamufashe, bamujyananye n’ibyuma akoresha mu kazi birimo na Laptop acurangiramo imiziki, icyakora ntabwo twamenye neza aho bahise bajya kumufungira.”

Uyu bakorana utifuje ko amazina ye atangazwa yavuze ko impamvu bahisemo gufata Dj Marnaud nyamara hari ubuyobozi bw’akabari yacurangagamo, ari uko ”nyiri akabari aba asaba buri mu Dj kugabanya ariko hari igihe utwarwa n’abakiriya ukananirwa kugabanya umuziki, rero icyo gihe ni wowe ubibazwa.”

Kuki umu dj @dj_marnaud yafungwa azira ikosa ryaho akorera banyiri bar batabibazwa?? Mu gihe dj akora akazi yahawe naho akora #pilipili !? @Rwandapolice @Rwanda_Justice @YouthCultureRW #freemarnaud #RwOT

— Bruceintore (@BruceIntore) February 6, 2020

Muri iki gitondo nibwo Bruce Intore yatangaje ko Dj Marnaud yarekuwe.

For anyone asking @dj_marnaud is out !!

— Bruceintore (@BruceIntore) February 6, 2020

Entertainment in general is a domain which is so disregarded in all aspects in Rwanda.

So sad. Sometimes you just fail to understand the logic behind these actions by @Rwandapolice.

Why jail a DJ when you can confiscate sound equipment or even fine the bar ?

— DJ Pius (@DeejayPius) February 6, 2020

Dj Marnaud yatawe muri yombi kubera guteza urusaku mu gace yacurangiragamo

Dj Marnaud ni umwe mu ba Djs bagezweho mu Rwanda mu myaka ya vuba