Ni igitabo Dorcy Rugamba cyamurikiwe mu ihema rya Camp Kigali mu ijoro ryo ku wa 19 Nyakanga 2024, akimurika mu buryo butamenyerewe kuko yasomaga ijambo ku rindi urupapuro ku rundi aherekejwe n’umuziki yacurangirwaga na Majnun umunya- Sénégal bafatanya.

Iki gitabo cya Dorcy Rugamba cyasohotse ku wa 13 Werurwe 2024, gikubiyemo inkuru y’uburyo abasirikare 20 bari bashinzwe kurinda umukuru w’Igihugu bigabye mu rugo rw’iwabo ku wa 7 Mata 1994 i Saa yine za mu gitondo bakica ababyeyi be n’abavandimwe be.

Ni igitabo gikubiyemo urwibutso afite ku muryango we mu bihe byabanjirije uwo munsi wabaye umwijima mu muryango we, ibyo yibuka kuri uwo munsi ndetse n’ubuzima bwa nyuma y’ibyo bihe, ibi byose bikaba bikubiye mu ibaruwa yandikiye abe bishwe.

Iki gitabo cy’amapaji agera kuri 304 gikubiyemo ubuhamya bwa Dorcy Rugamba, umuhungu wa Rugamba Sipirayini.

Nyuma y'uko abarenga ijana bari bitabiriye iki gikorwa bamaze kwicara igitaramo cyahise gitangizwa

Dorcy Rugamba yasomye ama paji 304 agize igitabo cye ‘Hewa Rwanda: Lettre aux absents’ nta n'imwe asimbutse

Dorcy Rugamba yasomaga igitabo cye inyuma hari ifoto y'umuryango we yafashwe mu 1992 ku Kimihurura aho bari batuye

Wari umugoroba udasanzwe kuri Dorcy Rugamba wasomeraga igitabo cye ‘Hewa Rwanda: Lettre aux absents’ mu rw'imisozi igihumbi

Majnun umunya- Sénégal w'umuhanga mu muziki ni we wafashaga Dorcy Rugamba ubwo yasomaga igitabo cye

Mu mutuzo mwinshi, Dorcy Rugamba yasomeye igitabo cye abari bagiye kumushyigikira

Nyuma yo gusoma igitabo cye, benshi mu bitabiriye uyu mugoroba basohotse bakigura ku bwinshi

Dorcy Rugamba yasinyiraga mu gitabo buri wese wakiguraga

Uretse kugura igitabo cya Dorcy Rugamba, basohotse bakiganiraho