Ku gicamunsi cyo ku itariki 29 Kanama 2024 Eddy Kenzo yerekanywe mu muryango wa Phiona Nyamutoro bityo biyemeza gutangira urugendo rushya rw’ubuzima nk’umugabo n’umugore bose bahawe umugisha n’ababyeyi ba Nyamutoro.

Nyuma y’uwo muhango wabaye mu ibanga rikomeye, Phiona Nyamutoro yanyarukiye kuri X asangiza abamukurikira ibyishimo bye.

Ati “Umugabo mwiza ku Isi! Ubu ni inshuti yanjye, nanjye nditeguye kugutetesha. Nzaguha urukundo rwinshi, ntuzamburana umunezero.”

Phiona Nyamutoro yerekanye Eddy Kenzo mu muhango wabereye i Kampala ahitwa Buziga ku ivuko rye. Eddy Kenzo yashinze ivi ry’akaguru k’imoso amwambika impeta ihamya urwo amukunda muri uwo muhango ushingiye ku muco gakondo w’Abagande.

Eddy Kenzo yakiriwe mu muryango wa Phiona Nyamutoro

Akanyamuneza kari kose kuri Phiona Nyamutoro

Ubukwe bwa Eddy Kenzo na Phiona Nyamutoro bwabaye mu ibanga rikomeye

Phiona Nyamutoro yasangije imbamutima ze abamukurikira kuri X

Eddy Kenzo yari yishimye bikomeye

Urukundo rwa Eddy Kenzo na Phiona Nyamutoro rwagiye ahagaragara muri uyu mwaka

Eddy Kenzo yambika Phiona Nyamutoro impeta

Nyuma yo kwambikana impeta bahoberanye