Nyuma y’iminsi banugwanugwa mu rukundo, Harmonize yagaragarije amarangamutima Poshyqueen, atangaza ko ashobora kumurongora, bitungura benshi bamukekaga mu rukundo na Yolo the Queen.

Mu butumwa yatambukije kuri Instagram bwaje buherekeje amashusho amugaragaza we n’uyu mukobwa bari kuryoshya mu bwato, yavuze ko bimukundiye yamwifashisha mu mashusho y’indirimbo nshya cyangwa akamurongora.

Yagize ati “Uyu munsi ndi kumwe n’umuntu uri kuvugwa cyane muri Tanzania yose Poshyqueeen. Mwirengagize iyo ndirimbo turi kumva. Namushyira mu mashusho y’imwe mu ndirimbo zanjye cyangwa murongore?”.

Mu bitekerezo birenga ibihumbi bine abantu batanze kuri ayo mashusho, benshi muri bo babwiraga uyu muhanzi ko akwiye gushaka umukobwa umwe babana, akava mu byo guhora akorakora abakobwa bose bahuye.

Abandi bamubwiraga ko baberanye kandi ko bakubaka umuryango mwiza.

Si ubwa mbere Harmonize asezeranyije umukobwa kumurongora, kuko mu 2023 yatangaje ko yifuza ubwenegihugu bw’u Rwanda, akagura inzu i Kigali ubundi akabana na Yolo the Queen.

Harmonize yasabwe gushaka umukobwa umwe arongora, akareka gukorakora uwo bahuye wese

Harmonize yari aherutse gutangaza ko yifuza kubana na Yolo the Queen

Poshyqueen ni umwe mu bakobwa bagezweho ku mbuga nkoranyambaga muri Tanzania

Imiterere ya Poshyqueen ituma benshi bamutangarira

Ku wa Gatanu tariki 12 Mutarama 2024, Harmonize na Poshy bari kumwe mu bwato bahuje urugwiro