Ni ibirori byaherukaga kuba mu 2018 kuko mu 2019 byahagaritswe bitewe n’impamvu zo kutumvikana hagati y’ababiteguraga.

TMZ ivuga ko nubwo itariki yo gusubukura ibi birori itaratangazwa, Umuyobozi Mukuru ushinzwe imari muri Victoria’s Secret, Tim Johnson yahamije ko ibi birori biri gutegurwa kugira ngo bizabashe kuba umwaka utaha.

Ati “ Tugiye gukomeza kwita ku mafaranga azashorwa mu kwamamaza ibi bikorwa ku rwego rwo hejuru, dutera inkunga ibi birori bizaba nyuma y’uyu mwaka.”

‘Victoria’s Secret Fashion Show’ yamamaye cyane kubera uburyo imurikirwamo imyambaro y’abagore y’imbere, ndetse ikitabirwa n’abanyamideli bakomeye ku Isi baturutse mu bihugu bitandukanye.

Abanyamideli bakomeye nka Gigi Hadid, Kendall Jenner, Adriana Lima, Bella Hadid n’abandi bagiye bagaragara muri ibi birori by’imideli.

‘Victoria’s Secret’ ni Sosiyete yashinzwe mu 1977 kora imideli ishingiye ku myambaro y’abagore cyane cyane iy’imbere.

Yaje gutangiza birori ngarukamwaka byerekana iyi myambaro yayo mu 1995.

Kendall Jenner ari mu bigeze kugaragara mu birori bya Victoria's Secret Fashion Show

Victoria's Secret Fashion Show izwiho gukoresha abanyamideli biswe 'Abamarayika'

Ibirori byo kumurika imideli bizwi nka ‘Victoria's secret’ bigiye kugaruka nyuma y’igihe kinini bidakorwa

Gigi Hadid yakoze muri Victoria's Secret Fashion Show mu bihe byatambutse

Bell Hadid umwe mu banyamideli bahembwa agatubutse ku Isi mu kumurika imideli, yakunze kugaragara muri Victoria's Secret Fashion Show

Adriana Lima, umunyamideli wakunzwe cyane kurusha abandi mu kumurika imideli muri Victoria's Secret Fashion Show

Abanyamideli bakomeye baturutse nu bihugu bitandukanye, bakoreshwa mu kumirika imideli ya Victoria's Secret