Ibitaramo by’urwenya bya ‘Seka Live’ bigiye kujya biba buri kwezi

Yanditswe na Nsengiyumva Emmy
Kuya 18 Ukwakira 2019 saa 10:24
Yasuwe :
0 0

Ibitaramo bya Seka Live bihuza abanyarwenya batandukanye bibera mu Rwanda bigategurwa na sosiyete ‘Arthur Nation’,byamaze kugirwa ngarukakwezi.

Impinduka zamaze gutangazwa muri ibi bitaramo ni uko Seka Live igiye kujya iba buri kwezi nkuko ubuyobozi bwa Arthur Nation bwabitangarije IGIHE.

Budandi Nice umwe mu bayobozi ba Arthur Nation, yavuze ko ari icyemezo bafashe mu rwego rwo gushyiraho uburyo abantu bajya babona ibitaramo byinshi byo gusetsa nka bimwe mu bikunzwe cyane mu Rwanda.

Yavuze kandi ko ari uburyo bwo guha abanyarwenya bakizamuka umwanya wo kwigaragaza cyane ko buri gitaramo kizajya kiba kirimo abanyarwenya bakizamuka byibuza batanu.

Hazajya kandi hatarama abazajya baba batoranyijwe muri ‘Seka Rising Stars’ irushanwa ritoranya abafite impano zo gusetsa, bagafashwa gukabya inzozi zabo.

Budandi yabwiye IGIHE ko ibi bitaramo bya Seka Live bizajya biba buri Cyumweru cya nyuma cy’ukwezi mu gihe muri Werurwe buri mwaka bwo hazajya haba Seka Festival.

Yakomeje agira ati” Muri buri gitaramo ngarukakwezi hazajya haba harimo abanyarwenya mpuzamahanga byibuza babiri ndetse n’abo mu Rwanda batanu bakizamuka ndetse n’abazajya baba batoranyijwe muri Seka Rising Stars."

Iki gitaramo kuva gitangiye kuba ngarukakwezi icya mbere kizaba ku cyumweru tariki 27 Ukwakira 2019.

Abanyarwenya batumiwe bavuye hanze y’u Rwanda ni Klint da Drunk wo muri Nigeria na Dr Ofweneke wo muri Kenya.

Ibitaramo by'urwenya bya Seka Live bigiye kujya biba buri kwezi
Seka Live igiye kubimburira izindi kuva yagirwa ngarukakwezi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza