Nubwo ibi bitaramo byarangiye, impaka hagati y’abakunzi ba The Ben na Bruce Melodie zo ziracyakomeje, buri ruhande rushimangira ko umuhanzi warwo ari we warushije undi gutanga ibyishimo.

Mbere y’uko ibi bitaramo bitangira, benshi babifashe nk’umwanya wo guca impaka ku muhanzi urusha undi hagati ya The Ben na Bruce Melodie.

Icyakora, nubwo byarangiye, ntibyahagaritse izi mpaka kuko abakunzi babo bagikomeje kutavuga rumwe ku wagaragaje imbaraga nyinshi kurusha undi.

Iyo urebye ibitekerezo bitambuka ku mbuga nkoranyambaga, usanga impaka zikomeje kuba zose, buri ruhande rwiregura ko umuhanzi warwo ari we wahize undi mu buryo bwo gutaramira abafana.

Uretse izo mpaka, ibi bitaramo byasize ibyishimo mu bakunzi b’umuziki aho byabereye hose, haba i Musanze ku wa 13 Kamena 2026, i Nyagatare ku wa 20 Kamena, i Nyamata ku wa 27 Kamena ndetse n’i Rubavu aho byasorejwe ku wa 4 Nyakanga 2026.

Mu gitaramo cyo gusoza, Bwiza ni we wabanje ku rubyiniro, asusurutsa abakunzi be b’i Rubavu ndetse agaragaza ko ahafite abafana benshi. Yaririmbye indirimbo zirimo Gake Gake, Wibeshya, Exchange, Ready, Ahazaza, Yiwe, Best Friend, Ni Danger, Iyo Twicaranye, Ogera na Do Me.

Nyuma ye hakurikiyeho Kitoko, na we wakiriwe neza n’abakunzi b’umuziki, aririmba indirimbo zirimo Rurabo, Agakecuru, Urukundo, Akabuto, Sibyo na Thank You Kagame.

The Ben yakurikiyeho, aririmba indirimbo zirimo Ndi Uw’i Kigali, I’m in Love, Lose Control, Folomiana, Habibi, Indabo Zanjye, Naremeye, Wigenda, Zubeda, Pawa, Ko Nahindutse, Ndaje, Ni Forever, Roho Yanjye, Amahirwe Ya Nyuma, Ntacyadutanya, Why, Plenty, Sikosa, Thank You ndetse na Kwicuma, yayiririmbanye na Green P wari kumwe na P Fla.

Bruce Melodie ni we wasoje igitaramo, aririmba indirimbo zirimo Selebura, Funga Macho, Ikinya, Ikinyafu, Akinyuma, Saa Moya, Ndakwanga, Nisindiye, Fou de Toi, Igitangaza, Urabinyegeza, Ubushyuhe, Bado, Pom Pom, Ndumiwe, Kungola na Henzapu.

Ahagana saa sita n’iminota mike z’ijoro ni bwo Bruce Melodie yasoje igitaramo, asezera ku bakunzi b’umuziki bari bacyitabiriye ari benshi ndetse abashimira uburyo bakomeje kumushyigikira.

Nubwo impaka hagati y’abakunzi ba The Ben na Bruce Melodie zigikomeje, benshi bahuriza ku kuba aba bahanzi bombi baratanze ibyishimo mu bitaramo bahuriyemo. Hari n’abasabye abateguye Summer Country Tour kongera gutegura ibindi bitaramo nk’ibi, kubera uburyo byashimishije abakunzi b’umuziki hirya no hino mu gihugu.

Abafana bageze muri stade hakiri kare cyane

Abafana ba The Ben bari mu bazindukiye muri Stade ya Rubavu

Mu bafana ibyapa byari byinshi cyane

Abafana ba The Ben bari bifatiye imyanya imbere

Bertrand niwe mushyushyarugamba wafashije abafana gushyuha

DJ RY niwe wasusurukije abitabiriye iki gitaramo

Uko amasaha yigiraga imbere niko stade yarushagaho kuzura

The Ben yari ashyigikiwe i Rubavu

Abahanzi b'i Rubavu bahawe amahirwe yo kugaragaza ibyo bashoboye

Kanyota na TBlaise b'i Rubavu batanze ibyishimo ku bakunzi babo

Nyirinkindi uzwi mu ndirimbo 'Mwarakoze inkotanyi' yataramiye ab'i Rubavu

Nyirinkindi yishimiwe bikomeye

Muri iki gitaramo umunyamahirwe yegukanye imodoka yatsindiye muri tombora ya Tenga Promo

Uyu mukobwa niwe wegukanye iyi modoka

Pirate aba yakamejeje mu bafana ba Bruce Melodie

Producer Kompressor yari yitabiriye iki gitaramo

Coach Gael ni uku yari yaserutse muri iki gitaramo

Kevin Montana ni umwe mu bahanzi bakizamuka bahawe amahirwe muri iki gitaramo

Bimaze kumenyerwa ko Bwiza atava ku rubyniro atabyinishije umusore

Bwiza yagerageje guha ibyishimo abakunzi be uko ashoboye kose

Bwiza ni uku yari yaserutse imbere y'abakunzi be

Kitoko nawe ni uku yahingutse imbere y'abafana be

Kitoko ni umwe mu bahanzi bafite indirimbo nyinshi zizwi n'abakunzi b'umuziki

Kitoko, inyinshi mu ndirimbo ze aziririmbana n'abafana be

Ibi bitaramo Kitoko yongeye kubigaragarizamo ko ari umuhanzi mukuru

Lucky Nzeyimana wayoboye ibi bitaramo yashimiye abafana n'abaterankunga babyo

The Ben ni uku nawe yahingutse imbere y'abafana

The Ben yageze aho agakote arakikura

The Ben wize kubyinana n'ababyinnyi be yanyuzagamo akabafasha gushimisha abakunzi be

Fever hari aho yageze asanga The Ben ku rubyiniro

The Ben yavuye ku rubyiniro ubona ko atabishaka

The Ben yakunze gufatira abafana ifoto y'urwibutso

Mbere yo kuva ku rubyiniro, The Ben yahamagaye Green P na P Fla bamufasha gususurutsa abakunzi be

Green P na P Fla bashimiye The Ben

Bruce Melodie yishimiwe cyane i Rubavu

Bruce Melodie nawe ntiyigeze atenguha abakunzi be

Nyinshi mu ndirimbo za Bruce Melodie abafana bamweretse ko bazizi ijambo ku rindi

Bruce Melodie yataramiye abakunzi be b'i Rubavu bari bamukumbuye ku bwinshi

Yari yizihiwe kubera umuziki mwiza

Jay C yagiye ku rubyiniro gufasha Bruce Melodie mu ndirimbo 'I am back'

Jay C ni umwe mu batumye abafana barushaho gushyuha

Amafoto: Prince Willy Rusa& Cyubahiro Key