Gusezerana kwa bo byatangajwe mu buryo budasanzwe kuko écran zo hanze kuri Madison Square Garden zanyujijwemo ubutumwa bugira buti “JUST&T MARRIED!”, bisobanura ko Taylor na Travis bamaze gushyingiranwa.

Ni ubukwe bwakozwe mu ibanga rikomeye.

Abashyitsi babarirwa hafi ku 1000, barimo ibyamamare byo mu muziki, sinema na siporo, nibo babwitabiriye. Umutekano wari wakajijwe.

Amakuru yatangajwe avuga ko telefone zitari zemewe imbere, mu kurinda ko amafoto n’amashusho asohoka mbere y’uko abageni babyemeza.

Umukinnyi wa filimi, Adam Sandler ni we wayoboye umuhango wo gusezeranya aba bombi. Taylor Swift yasohowe na musaza we Austin Swift mu gihe Travis Kelce yari yambariwe na mukuru we Jason Kelce.

Nta bakobwa cyangwa abasore bambarira abageni bari bahari.

Imyambarire na yo yavugishije benshi. Taylor na Travis bambaye imyambaro yakozwe na Christian Dior, Taylor yambara imitako ya Cartier n’inkweto za Christian Louboutin. Vogue yatangaje ko ikanzu ya Taylor yari iya Dior couture.

Ubu bukwe bwasoje inkuru y’urukundo yatangiye mu 2023.
Inyubako yabereyemo ubu bukwe isanzwe iberamo imikino n’ibitaramo. Yakira abantu barenga ibihumbi 19.

Abatari bari imbere mu nyubako, ni uku bamenye ko abageni bamaze gushyingiranwa

Urukundo rwa Taylor Swift na Travis Kelce ni rumwe mu zimaze igihe zivugwa cyane

Bradley Cooper ubwo yari mu gace ka West Village yitabiriye ubu bukwe

Karlie Kloss (ibumoso) na Joshua Kushner bitabiriye ubu bukwe

Abigail Anderson, inshuti yo mu bwana ya Taylor nawe yari yitabiriye

Jarret Stoll n’umunyamakuru wa Siporo, Erin Andrews bitabiriye ibi birori

Umuhanzi Camila Cabello yitabiriye ibi birori bidasanzwe