Si abahanzi gusa batabashije kuhagera, kuko n’abakunzi b’umuziki na bo bitabiriye ari bake cyane, bituma iki gitaramo kiba kimwe mu byagize ubwitabire buke.

Ugereranyije, iki gitaramo cyitabiriwe n’abantu batarenze 200, mu gihe abari batangajwe ko bazagitaramiramo barimo Emmy Blaq, Element EleéeH, Juss Gigi, Kivumbi King, Miss Muyango, Prince Okuta, DJ Pyfo, Joky Parker n’abandi.

Mu bari bafite amazina akomeye bari bamamajwe muri iki gitaramo ariko ntibakigaragaremo harimo Element EleéeH, Kivumbi King, Miss Muyango na DJ Pyfo.

Ku rundi ruhande ariko, abakunzi b’umuziki bari bahari batunguwe no kubona abahanga mu kuvanga imiziki barimo DJ Tyga na DJ Inno, na bo bari mu bagezweho muri iyi minsi.

Amakuru IGIHE yamenye ni uko Element EleéeH yari yaramenyesheje abateguye iki gitaramo ko atazabasha kugera i Kigali kuko yari akiri muri Leta Zunze Ubumwe za Amerika.

Ku bijyanye na Miss Muyango, DJ Pyfo na Kivumbi King, ntabwo higeze hamenyekana impamvu yatumye batitabira kandi bari bamamajwe mu bazagitaramiramo.

Bamwe mu bitabiriye iki gitaramo babwiye IGIHE ko ubwitabire bwacyo bwagabanutse bitewe n’uko kitamamajwe bihagije, banagaragaza ko bishobora kuba byaratewe n’uko abagiteguye ari ubwa mbere bari bateguye igitaramo mu Rwanda.

Iki gitaramo cyateguwe na Iron Block Studio, Sosiyete y’Abanya-Nigeria yari iteguye igitaramo cyayo cya mbere mu Rwanda.

Kutitabirwa kw’iki gitaramo byatumye cyiyongera ku bindi byagiye byandika amateka mabi nk’aya. Ibindi birimo icyari cyatumiwemo Demarco wo muri Jamaica mu 2023, icya 2Baba yakoreye muri Kigali Serena Hotel mu 2016 n’ibindi.

View this post on Instagram

A post shared by IGIHE (@igiheofficial)

View this post on Instagram

A post shared by IGIHE (@igiheofficial)

View this post on Instagram

A post shared by IGIHE (@igiheofficial)

View this post on Instagram

A post shared by IGIHE (@igiheofficial)

View this post on Instagram

A post shared by IGIHE (@igiheofficial)

View this post on Instagram

A post shared by IGIHE (@igiheofficial)

Bake bitabiriye iki gitaramo bari babukereye

Joxy Parker ni uku yari yaserutse muri iki gitaramo

Abari bitabiriye, basaga neza, bambariye ibirori

Zuba Mutesi ari mu bayoboye iki gitaramo

DJ Tyga yatunguranye muri iki gitaramo kuko ntiyigeze yamamazwa mu bazacuranga

Joxy Parker ni umwe mu bavanga imiziki bamaze kwigarurira imitima y'abakunzi b'umuziki w'u Rwanda

Joxy Parker afite umwihariko wo kuvanga imiziki anabyinira abakunzi be

Ni igitaramo cyitabiriwe n'abiganjemo urubyiruko

Ubwitabire bwari buke cyane muri iki gitaramo

DJ Okuta wo muri Nigeria yasusurukije abitabiriye iki gitaramo

Nubwo bari bake ariko batahanye ibyishimo

Emmy Blaq nawe wo muri Nigeria ni umwe mu bishimiwe bikomeye

Ni igitaramo cyitabiriwe na bake ariko batahanye ibyishimo

Buri wese wari uhari yabyinnye uko abyumva arizihirwa

Emmy Blaq yishimiwe cyane muri iki gitaramo

Zuba Mutesi na Juss Gigi bafatanyije gususurutsa abakunzi b'umuziki

Juss Gigi wo muri Afurika y'Epfo ni umwe mu bahanga mu kuvanga imiziki

Buri wese mu bahawe umwanya, yagerageje gushimisha abari bitabiriye

Amafoto: Cyubahiro Key