Mu butumwa yashyize ku mbuga nkoranyambaga akoresha, Kenny Sol, yahaye umugore we indahiro y’uko adateze kuzatezuka ku isezerano bagiranye imbere y’amategeko tariki ya 5 Mutarama 2023.

Yagize ati "Nabisinyiye, nabirangije kandi byateweho kashe ibyemeza, uwanjye ubuzima bwose. Twatangiye tutabyiteze none twahanye isezerano ry’iteka ryose, inkuru y’urukundo rwacu yirengagije ibyari byitezwe.”

Kenny Sol yakomeje avuga ko we na Kunda babaye umuryango ufite ahazaza heza kandi uzahorana igihe cyose. Yasoje amwifuriza intangiriro nziza z’urugendo batangiranye.

IGIHE ifite amakuru y’uko Rusanganwa Norbert wamamaye nka Kenny Sol na Kunda Yvette bakundanye uyu musore ataratangira umuziki, barakomezanya kugeza uyu mukobwa asoje amasomo mu Bushinwa.

Kenny Sol asomana n'umugore we Kunda Yvette Alliance nyuma yo gusezerana

Kenny Sol na Kunda Yvette bamaze igihe bakundana

Kenny Sol na Kunda Yvette bicaye mu Murenge wa Nyakabanda mu Karere ka Nyarugenge bategereje gusezerana